Gurabi tradicionale janë ëmbëlsira ideale për të shoqëruar kafenë. Recetat për gatimin për gurabi janë të ndryshme, po japim recetën sipas mënyrës më të thjeshtë.
Gurabi – Ëmbëlsira tradicionale
Sasia: 12 copë
Kalori: 240kcal
Përbërësit
- 800 gram miell
- 600 gram gjalpë ose margarinë
- 100 mL vaj
- 500 gram sheqer pluhur i imët
Përgatitja
- Hedhim miellin mbi banakun e punës, në formë rrethore, në mes hedhim sheqerin, gjalpin (në temperaturë ambienti) vajin dhe e përziejmë duke filluar nga mesi.
- Tretim në fillim sheqerin me gjalpin duke marrë miell dalëngadalë. E punojmë mirë derisa të bëhet një masë e plotë. Të gjithë përbërësit duhet të përzihen mirë. Me pas e lëmë të pushojë për rreth 5 minuta.
- Brumin e hapim me pec (okllahi) mbi banak, me trashësi 1,5 -2 cm. E presim në formë rombi ose paralelogrami. Siç mund ta shikoni edhe ne foton e bashkëngjitur.
- Gurabitë i vendosim në tavë të lyer me gjalpë dhe piqen në furrë në temperaturën 150 gradë celsius për 30 minuta.
- Tashmë ju ngelet të mbushni pak kafe apo çaj sipas dëshirës dhe te shijoni një pasdite te këndshme.
Ju bëftë mirë nga Arti Gatimit!
Cila është ëmbëlsira juaj e preferuar nga ato që kemi publikuar ne ArtiGatimit? Na shkruani ne komente…
