Shampite është një ëmbëlsirë klasike kosovare. Në ëmbëltoret e Kosovës mund ta gjeni me forma te ndryshme dhe sipër karamel apo çokollatë.
Shampite – Ëmbëlsirë Kosovare
Sasia: 6 persona
Kalori: 260kcal
Përbërësit
- 150 gram miell
- 150 gram sheqer
- 50 mL qumësht
- 50 mL vaj
- 4-5 lugë gjelle arra të grira
- 7 kokrra vezë
- 1 lugë e vogël sodë pluhur për pjekje
Për sherbetin
- 500 gram sheqer
- 100 mL ujë
Përgatitja
- Për të përgatitur shampite në fillim ndajmë të bardhat e vezëve nga të verdhat.
- Rrahim të verdhat e vezëve me sheqerin, pastaj i shtojmë me radhë asortimentet e tjera, si qumështin, vajin arrat.
- Miellin e bashkojmë me sodën e bukës e sitim dhe e shtojmë nga pak e duke e përzier me kujdes.
- Masën e hedhim në një tavë të lyer me vaj e me miell dhe e pjekim në furrë të nxehur me 200 gradë për 15 minuta.
- Gjatë kohës që piqet pandispanja ne do të merremi me të bardhat e vezëve. Në një enë hedhim sheqerin dhe ujin dhe e vëmë në zjarre të ziejë sherbeti. Nëse keni termometër për kuzhinën, nuk duhet te kaloj mbi 110°C.
- Ndërkohe rrahim të bardhat me dorë ose me ndihmën e një rrahësi elektrik. Pasi të bardhat bëhen një masë e trashë i hedhim sherbetin e vluar pak nga pak e duke e trazuar që të mos kristalizohet.
- Kjo lloj përgatitje është tipike e meringës italiane. Më pas masën e të bardhave e hedhim në tavë sipër pandispanjës.
- Tavën e vendosim në frigorifer për 2-3 ore, më pas e presim dhe e shërbejmë.
- Pëlqeheni dhe shpërndajeni recetën në Facebook për miqtë tuaj.
Receta kosovare mantia
