Waffle apo siç mund të njihen ndryshe me emrin gaufre, janë ëmbëlsira në formë petulla qe piqen në piastër të posaçme. Recetat e waffle janë të ndryshme në gjithë Evropën, ne kemi zgjedhur ato pak të ëmblat dhe një shijë delikate.
Waffle – Embëlsira belge
Sasia: 4 persona
Kalori: 250kcal
Përbërësit
- 250 gram miell tip 00
- 3 kokrra veze
- 50 gram sheqer
- 300 mL qumësht
- 50 gram gjalpë
- esence vanilje
- pak kripë
Përgatitja
- Fillojmë duke ndarë të bardhat e vezëve nga të verdhat. Rrahim te bardhat me pak kripë derisa të jenë një masë e ndalur.
- Në një enë tjetër rrahim të verdhat e vezëve se bashku më sheqerin. Më pas shtojmë gjalpin e shkrirë por të ftohtë.
- Shtojmë edhe të bardhat e vezëve dhe i trazojmë më delikates. Në hapin tjetër hedhim edhe qumështin. Shtojmë vaniljen dhe e trazojmë masën.
- Miellin e sitim dhe e shtojmë masës. E trazojmë derisa e gjithë përbërja të jetë homogjene.
- Nxehim piastrën dhe e lyejmë pak me gjalpë. Shtojmë një mas nga përbërja dhe e mbyllim. E pjekim rreth 4-5 minuta.
- Waffle janë gati, hedhim sipër pak shurup dhe i shoqërojmë me fruta ose me akullore.
Receta për biskota me bajame
Ju bëftë mirë!
Ju mund te bëheni fan i Artigatimit ne Facebook ose mund ta na ndiqni ne Instagram.
