Bretkosa janë të pasura me proteina dhe këshillohen për të gjitha grupmoshat sepse asimilohen lehtë nga organizmi. Për përdorimin e bretkosave duhet të sigurohemi që ato janë kapur në ujëra të pastra.
Si të gatuajmë Bretkosa të Skuqura
Sasia: 4 persona
Kalori: 211kcal
Përbërësit
- 1 kg bretkosa
- 2 kokrra vezë
- 100 gr miell
- 100 ml qumësht
- lëng limoni
- kripë
- piper
- uthull
- vaj ulliri
- gjalpë
- gjethe dafine
Përgatitja
- Bretkosave u konsumohen vetëm këmbët e prapme. Prandaj me anë të thikës ose gërshërëve u presim këtë pjesë, i heqim lëkurën dhe më pas i lajmë mirë.
- Pjesët e ngrënshme i marinojmë me kripë, uthull, gjethe dafine e vaj ulliri ,për gati 2-3 orë. Më pas i kullojmë, i fshijmë me një pecetë dhe i lyejmë me miell në të thatë.
- Ndërkohë në një enë rrahim vezët dhe me pas shtojmë miellin, qumështin dhe pak e kripë e piper. Vendosim në zjarr një tigan me vaj ulliri dhe gjalpë.
- Marrim kofshët një nga një i lyejmë nga të gjitha anët me brumin e përgatitur dhe i hedhim në tigan me zjarr shumë të ngadalshëm. Tiganit i vendosim kapakun që bretkosat të piqen mirë. I kthejmë nga të dyja anët dhe bretkosat janë gati.
Mund ti shoqëroni me patate të skuqura,me bizele ose me sallatë.
