Fileto pule mund të gatuhet në mënyra të ndryshme por edhe në sallata të freskëta është shumë i shijshëm. Një recetë e shpejtë dhe e shëndetshme sallatë më fileto pule dhe portokall.
Fileto pule me portokall dhe domate
Sasia: 2 persona
Kalori: 230kcal
Përbërësit
- 200 gr fileto pule
- 1 kokërr portokall
- 30 gr gjalpë
- 50 ml verë e bardhë
- 1 lugë uthull balsamike
- 200 gr domate të vogla
- kripë
- piper
- borzilok
Përgatitja
- Në fillim pastrojmë fileton e pulës, e lajmë dhe e thajmë me pecetë.
- E presim në rripa dhe e kaurdisim në një tiganë me gjalpë ose pak vaj ulliri.
- Më pas hedhim verën dhe lëngun e gjysmë portokall. E rregullojmë me kripë e piper.
- I vëmë kapakun dhe e lemë në zjarr të ngadalshëm për 6-7 minuta.
- Qërojmë pjesën tjetër të portokallit dhe presim domatet në mes.
- I vendosim në pjatë dhe sipër radhisim mishin e pulës.
- Shtojmë sipër pak uthull balsamike dhe vaj ulliri. Piper dhe kripë sipas dëshirës. Vendosim gjithashtu disa gjethe të freskëta borziloku. Lexo si të rrisim borzilok në shtëpi.
Fileto pule me portokall dhe domate e servirim të freskët. Lexo recetën për sallatë Cesar
Ju bëftë mirë!
