Patatja është një ndër perimet më të konsumuara dhe me shumë shije. Konsumimi i patates, përveç se shijon së tepërmi, ka edhe mjaftë vlera ushqyese, çka ndihmon në luftën kundër sëmundjeve të ndryshme. Ato janë të pasura plotë me vitamina dhe minerale.
Amidoni është lënda bazë përbërëse e patates. Sasia dhe cilësia e amidonit përcakton jo vetëm rëndësinë e patates si produkt ushqimor, por edhe veçoritë teknologjike si lëndë e parë për përpunimin industrial.
Si burim i proteinave të një cilësie të lartë, patatet zënë një vend të rëndësishëm midis produkteve të tjera ushqimore me origjinë bimore.
Patatja është një burim vitaminash si vitamina C, B1, B2, B5 etj. Mirëpo gjatë përdorimit të patates duhet të kemi shumë kujdes nga SOLANINA. Kjo është një substacë me veti helmuese, e cila në mbi dozë mund të jetë fatale nëse nuk bëjme kujdes.
Rritja e përmbajtjes së SOLANINëS vihet re tek patatet me ngjyre të gjelbër (të ndenjura në dritën e diellit), si dhe në patatet që rrinë shumë në ujë dhe ekspozohen në dritë. Gjatë vjeljes patatet nuk duhet të lihen në diell.
Pancakes me patate
Përbërësit
- 500 kg patate
- 3 kokrra vezë
- 300 gr djathë i grirë
- 100 gr galetë
- 2 thelpinj hudhër
- rigon ose majdanoz
- vaj ulliri
- kripë
- piper
- vaj për skuqje
Përgatitja
- Lajmë patatet dhe i vendosim në një enë me ujë derisa te mbulohen. Patatet i ziejmë pa qëruar që të bëhet një pure e fortë. I kontrollojmë me pirua nëse kanë zierë patatet. Pasi i shikojmë që patatet kanë zierë mirë, i heqim lëkurën sa janë të ngrohta dhe i shtypim me pirua ose me shtypëse patatesh.
- Në enën që shtypëm patatet hedhim pak vaj ulliri, kripë dhe djathë të grirë, piper apo erëza të ndryshme, vezë, hudhër dhe galetë.
- Masa punohet mirë me dorë ose me makineri. Ndahet në pjesë të vogla në formë të rrumbullakët të cilat i shtypim, rregullohet forma dhe skuqen me vaj të bollshëm.
- Pancakes me patate shërbehen të nxehta si pjatë e veçantë duke i shoqëruar me salca ose jo sipas dëshirës.
Receta të tjera për ju qofte me lulelakër, pancakes me banane.
Ju bëftë mirë nga Artigatimit!
