Pite e mbushur me proshutë dhe djathë është kombinim me një shije fantastike. Por nëse preferencat tuaja për këtë recetë për pite të mbushur mund të jenë nga më të ndryshmet. Ju këshillojë që nëse dëshironi ta mbushni me perime, i prisni të vogla dhe më parë 5 minuta në tigan. Çfarëdo mbushje të zgjidhni, vazhdoni të na ndiqni dhe abonohuni në kanalin tonë në YouTube.
Pite e mbushur me proshutë dhe djathë
Sasia: 6 persona
Kalori: 340kcal
Përbërësit
Për brumin
- 400 gr miell
- 100 gr niseshte
- 60 ml vaj
- 200 ml ujë
- 100 ml kos
- 1 lugë e vogël maja
- 1 lugë e vogël sheqer
- 10 gr kripë
Për mbushjen
- 150 gr proshutë
- 150 gr djathë
Përgatitja
- Mos harroni të ndiqni dhe videon e përgatitur për këtë pite e mbushur me proshutë dhe djathë.
- Në një gotë hedhim majanë sheqerin pak ujë të vakët dhe e trazojmë sa të tretet majaja.
- Bashkojmë miellin me niseshtenë dhe i hedhim në një enë qelqi. Në të shtojmë majanë e tretur, ujin, kosin, vajin, kripën dhe i trazojmë sa të bashkohen masat.
- Brumin e vendosim në tavolinën e punës dhe e punojmë për gati 10 minuta. Më pas brumin e vendosim përsëri në enën e qelqit i bëjmë një kryq në mes e mbulojmë.
- Brumin e lemë në një vend të ngrohtë sa brumi të dyfishohet. Pasi brumi është gati e vendosim përsëri në tavolinën e punës dhe e ndajmë në dy pjesë.
- E hapim një pjesë të brumit me okllahi sa fundi i tavës. Shtresën e parë të brumit e vendosim në tavën e lyer me pak vaj.
- Mbi shtresën e parë vendosim një shtresë proshutë, djathin e prerë në copa të vogla,sipër përsëri një shtresë proshutë. Mbi mbushjen vendosim shtresën tjetër të brumit dhe i bashkojmë mirë anët të mbulohet mbushja.
- Tavën e lemë në furrë të fikur për gati 1 orë. Më pas piten e lyejmë me pak vaj ulliri sipër dhe e pjekim në furrë të nxehur në 200°C për rreth 25 minuta.
- Pite e mbushur me proshutë e lemë edhe 10 minuta në sobë të fikur.
- Pjata pite e mbushur me proshutë është gati. E presim në copa dhe e shërbejmë.
Receta për pite me petë, pite në tigan ose petulla të fshira.
Ju bëftë mirë nga Arti Gatimit
