Antipaste me lulelakër e përgatitur me salcën beshamel të gatuar në shtëpi. Kjo pjatë është e lehtë për tu gatuar dhe nuk merr shumë kohë. Mund të përgatisni forma të vogla ose në një tavë dhe më pas ta prisni në copa.
Antipaste me lulelakër
Sasia: 4 persona
Kalori: 130kcal
Përbërësit
- 500 gr lulelakër
- pak kripë
Përbërsit për beshamelin
- 800 ml qumësht
- 100 gr djath pamixhano
- 60 gr gjalpë
- 80 gr miell
- arrë moskat
- piper i zi
Përgatitja
- Fillimisht vëmë në zjarr një enë me ujë e kripë. Pasi lajmë lulelakrën dhe e ndajmë sipas luleve e hedhim në ujë të vluar dhe e lemë të ziejë për 5-6 minuta. Pasi ka bërë gjysmë zierje e kullojmë.
- Ndërkohë merremi me përgatitjen e beshamelit për antipaste me lulelakër. Në një enë tjetër hedhim gjalpin dhe pasi ai të shkrijë shtojmë miellin, të cilin e trazojmë derisa ai të zverdhet. Më pas shtojmë qumështin pak nga pak duke mos e ndërprerë trazimin.
- Beshamelin e ziejmë derisa të bëhet një masë e lidhur dhe e derdhur. Beshamelit i hedhim pak kripë e arrë moskat, e heqim nga zjarri dhe i vendosim sipër një qeskë kuzhine të mos na zëri kore.
- Përgatitim lulelakrat që tashmë kanë kulluar, të cilat i presim me thikë në copa të vogla dhe i vendosim në një enë qelqi.
- Në enën me lulelakër hedhim beshamelin, shtojmë djathin, arrë moskat, pak piper dhe e përziejmë me anën e një shpatulle.
- Format i lyejmë me gjalpë të shkrirë dhe me miell. Me anë të lugës mbushim format dhe sipër u hedhim pak djathë të grirë. Format i futim në furrë të para ngrohur në 180 °C për 15-20 minuta.
- Antipaste me lulelakër është gati. Presim të ftohen dhe më pas u heqim nga format dhe i shërbejmë më djathë të grirë sipër.
Ju bëftë mirë nga Arti Gatimit!
Receta të tjera për antipasta
Antipastë me patellxhan
Antipaste me petë sfoliat
Antipaste mikse
