Mishi i pulës pëlqehet pothuajse nga të gjithë. Mund ta përgatisim në mënyra nga më të ndryshmet. Një nga këto mënyra është edhe role e pulës, por për të bërë këtë na duhet të ndajmë në fillim kockën nga mishi. Pikërisht këtë gjë jemi munduar të paraqesim sot.
Video
Marrim pulën dhe e kthejmë nga ana e kurrizit, e presim për së gjati përgjatë kolonës vertebrale. Me majën e thikës vazhdojmë ta presim për së gjati, duke ndjekur rrjedhën e kockës. Ndalojmë kur arrijmë te pjesa e kofshës dhe e krahut. Presim nyjën që lidh krahun me trupin, bëjmë të njëjtën gjë edhe për kofshën. Vazhdojmë ta presim derisa të kemi hequr komplet kockën e trupit nga mishi. Pastaj me kujdes presim krahët, e më pas përsëri me majën e thikës heqim kockën e kofshës. Do të kemi kështu të gjithë mishin pa kocka. Bëjmë disa prerje për të rregulluar trashësinë e mishit, në mënyrë që të jetë e gjitha e njëjtë.
Tani mishi i pulës është gati për të bërë mbushjen sipas dëshirës.
3 comments
si u katandis e shkreta ahaha
me shum koh te kushton tja heqesh kshu kockat , se sa me dhemb :p
MJESHTER QEKA AI