Receta për Bakllava Shqiptare

Recetat për bakllava tashmë janë nga më të ndryshmet si bakllava me Fistik apo bakllava role, por më e njohura është receta për bakllava shqiptare.

Thuhet që origjina e bakllavasë vjen nga Turqia. Në ditët e sotme kjo ëmbëlsirë është e njohur nga të gjithë.

Receta për Bakllava Shqiptare

Prep Time40 minutes
Cook Time2 hours
Total Time2 hours 40 minutes
Course: Dessert
Cuisine: American
Keyword: embelsire
Sasia: 12 persona
Kalori: 390kcal

Video

Përbërësit

Përbërësit për brumin

  • 1 kg miell
  • 4 të verdha veze
  • 2 gota ujë të vakët
  • 100 ml vaj ulliri
  • 1/2 lugë kafeje kripë
  • pak niseshte

Përbërësit për mbushjen

  • 1 kg arra të qëruara
  • 500 gr gjalpë i shkrirë

Përbërësit për sherbetin

  • 1.7 kg sheqer
  • 1.2 l ujë
  • 1/2 limon

Përgatitja

Përgatitja për Bakllava Shqiptare

  • Hedhim miellin e situr në tavolinën e punës. Hapim një gropëz në mes të miellit ku hedhim të verdhat e vezëve, filxhanin e vajit, kripën dhe ujin e ngrohtë. Fillojmë e ngjeshim me kujdes brumin. Nëse e shikojmë të nevojshme mund të shtojmë përsëri pak ujë të ngrohtë.
  • Vazhdojmë të ngjeshim brumin derisa të arrijmë një masë homogjene dhe të njëtrajtshme. Brumin e përgatitur e fusim në një qese dhe e lemë të pushojë përreth një orë.
  • Pasi ka kaluar një orë, marrim brumin e përgatitur dhe e presim në toptha të vegjël. Hedhim pak niseshte në tavolinën e punës dhe vendosim topin e vogël të brumit. E hapim me kujdes me okllahi (pec), derisa të arrijmë një petë të hollë.
  • Duhet të kemi kujdes që mos ti prishim apo çajmë. Petët duhet të jenë perfekte. Vazhdojmë kështu derisa të kemi mbaruar të gjithë brumin. Petët e përgatitura i vendosim me kujdes që të thahen pak.

Vendosja e petëve në tavë

  • Pasi petët janë tharë pak i marrim dhe i vendosim një e nga një në një tavë të lyer me gjalpë.
  • Duhet të kemi kujdes që çdo petë ta spërkasim me gjalpë sipër e pastaj të vendosim tjetrën. Pasi kemi vendosur rreth 6-7 petë hedhim sipër një shtresë me arra të grira. Vendosim petën sipër, e spërkatim me gjalpë, vendosim një petë tjetër, e lyejmë edhe këtë me gjalpë dhe shtrojmë përsëri një shtresë me arra.
  • Vazhdojmë në këtë mënyrë duke alternuar petët dhe arrat. Në fund e mbulojmë me 7-8 petë. Edhe petën sipër e lyejmë me gjalpë. E presim bakllavanë në copa në formë rombi.
  • E vendosim tavën me bakllava në furrë të nxehtë 150°C përreth 3 orë. 15 minutat e fundit të pjekjes e ngremë temperaturën e furrës në 200°C (koha e pjekjes varet edhe nga lloji i sobës).
  • Heqim bakllavanë nga furra dhe e lemë të ftohet.

Përgatitja e sherbetit të Bakllavasë

  • Në një tenxhere të thellë hedhim ujin. Pasi uji vlon hedhim sheqerin. E trazojmë mirë, shtojmë dhe një lugë lëng limoni i cili e ndihmon sherbetin që të mos të ngrijë pasi të ftohet. E vendosim sherbetin të ziejë derisa të shkrijë komplet sheqeri.

Përgatitja përfundimtare e Bakllavasë

  • Pasi bakllava shqiptare është ftohur komplet i hedhim sipër sherbetin jo shumë të nxehtë (rreth 80-85°C). E lemë të regjet mirë disa orë e më pas e shërbejmë bakllavanë në copa.

Ju bëftë mirë dhe Gëzuar nga ArtiGatimit.com!

receta-bakllava-shqiptare-artigatimit-dessert-embelsira-shqiptare-tradicionale-pete
60 Shares
30 comments
  1. Pershendetje.
    Ju falenderojme per recetat qe po na i dergoni.
    Me kujdes e lexova kete recete per Bakllavane dhe mjaft mire e keni pershkruar se eshte nje game e gjere e popullates qe e perdore, mendoj jo vetem shqiptaret. Ka mjaft receta per bakllaven, andaj mu duk se si shpejt e keni kaluar udhezimin e pergatitjes se saj. Ju isha lutur qe te na postoni disa video incizime te pergatitjes se kesaj embelsire e cila vertet eshte e pazevendesuar. Sigurisht se edhe komentet e lexuesve do te na kishin ndihmuar shume nga pervoja e tyre qe kan. Fatmiresisht ne familjen time na pergatit zonja e shtepise bakllave te shkelqyer, ama edhe ne e hame shijshem.
    Edhe nje here shume flm dhe ne vend te perfundimit: URIME 100 vjetorin e Pavaresise se Shqiperise.

    1. Dani shume faleminderit per urimet. Dhe ne urojme gjithe shqipetaret kudo qe ndodhen ”Gezuar 100 vjetorin e Pavaresise”.
      Persa i perket videos se pergatitjes se bakllavase jemi duke e pergatitur e se shpejti do ta publikojme.

      1. a ben te perdoret mjalte se kam degjuar shum qe e perdorin dhe si/sa ta nderroj masen shm flm pergezime per faqen :)

  2. hahaha mos hani shum bakllava se per diet hiq nuk jan te mira ama hmm mej pa en foto long per goje po shkon ele ma mej hanger duart te lumshin Nerti .

    1. Duhet ti ndani kulaç tw vegjwl, rreth 25-30 gr. e hollojeni me diameter rreth 40cm. petet duhet te jene te holla sa nje flete cigare ose derisa te lexoni gazeten kur e vini poshte petes.

      1. jeni shum i sjellshem nerti dhe kto bakllava jan shum te shishme veq ne foto po per ti ngren edhe me te bukura te lumt nerti je shum i sjellshem

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Receta per Tiramisu

Tiramisuja është ëmbëlsira italiane më e njohur në gjithë botën. Thuhet se kjo ëmbëlsirë e ka origjinën në Siena (Toskanë). Rreth shekullit të XVII disa pastiçierë vendosën të përgatisnin një ëmbëlsirë në nderim të Dukës së Toskanës Cosimo de Medici. Ata menduan të bënin një ëmbëlsirë me përbërës të thjeshtë, por jashtëzakonisht e shijshme. Ka shumë legjenda për origjinën e tiramisusë, por ajo që ka rëndësi është fakti që kjo lloj ëmbëlsire është dhe do të mbetet një nga ëmbëlsirat më të mira italiane.

Kompekaj

Kompekaj është një ëmbëlsirë e njohur shqiptare. Procesi i përgatitjes se kësaj ëmbëlsire mund te duket i komplikuar, por rezultati ja velen ta provoni. Ndiqni gjithashtu video recetën e përgatitur posaçërisht.

Gliko Shalqiri

Shalqiri është fruti që na shoqëron përgjatë stinës së verës. Përmban shumë vitamina e minerale dhe mund të themi që nuk mund të kalojmë verën pa shijuar këtë frutë. Zakonisht lëkurat e shalqirit i hedhim, por me to fare mirë mund të gatuajmë një ëmbëlsirë të shijshme siç është glikoja.

Receta për krep me nutella

Krep ose siç i thonë francezet crêpe janë flet të holla brumi, të pjekura mbi një piaster te nxehtë. Ato mund të shërbehen me mbushje të ndryshme të ëmbela (si Nutella, mjalt ose reçel) apo dhe të kripura (djathë, proshute ose perime). Ato shërbeheshin në datën 2 Shkurt dhe kur hapej në piaster, zakonisht shprehej një dëshirë. Duke lene mbrapa historinë le të shikojmë recetën e tyre. Baza e përgatitjes për të dyja llojet është pothuajse e njëjtë. Ja se çfarë na duhet për të pergatitur disa krep.

Reçel me Kajsi

Janë të shumta recetat për reçel në faqen e Arti Gatimit. Reçel me kajsi i shtohet kësaj liste. Për mëngjes kjo ëmbëlsirë do ju kapi ngarkesën e duhur për një ditë plot energji. Reçelin me kajsi mund ta përdorni edhe për përgatitjen e ëmbëlsira të ndryshe apo krostatave.