Rrepa turshi kanë një shije majhoshe sepse ëmbëlsia e tyre lidhet bukur me thartësinë e uthullës. Të përgatitura në këtë mënyrë kemi një pjatë të shijshme që shkon shumë me pjatanca djathrash o sallamrash të ndryshëm. Shtysë për përgatitjen e kësaj receta na e dha një lexuese e rregullt e faqes tone, Antigona.
Rrepa turshi
Sasia: 0
Përbërësit
- 5 rrepa të kuq
- pak rozmarinë
- 2 qepë të njoma
- 2 lugë gjelle vaj ulliri
Përbërësit për lëngun e kripur
- 1 qepë e kuqe
- 1 lugë kafeje me kripë
- 100 ml uthull të kuqe
- 60 gr sheqer
- 120 ml ujë
Përgatitja
- Pasi kemi qëruar e larë rrepat i vendosim mbi një letër alumini. Sipër i hedhim rozmarinë, qepët të plota siç janë dhe vaj ulliri. Mbyllim letrën e aluminit si karamele dhe e vendosim në furrë të nxehtë 200°C. I pjekim përreth 30 minuta.
- Më pas i nxjerrim nga furri dhe i lemë të ftohen.
- Pasi janë ftohur i presim në feta të holla.
- Presim dhe qepën e kuqe në feta. Vendosim në një vazo qelqi ( rreth 250 gr) një fetë rrepe dhe një fetë qepe, vazhdojmë kështu duke i alternuar derisa të mbarojnë përbërësit.
- Në një tenxhere hedhim ujin, uthullën, kripën e sheqerin dhe i ziejmë.
- Hedhim lëngun e nxehtë në vazo mbi rrepat. Mbyllim vazon me kapak dhe e lemë të pushojë nga 3 deri në 6 ditë përpara se ti shërbejmë.
- Servirim rrepa turshi siç janë me pak vaj ulliri sipër ose i përziejmë me sallata të ndryshme.
1 comment
A ka mundsi mem.tregu dikush si ta pregadis ilaqin me rrepa te kuq me mjalt karrota molla dhe limon per pagjaksi se kam harruar flm per mirkuptim