Konkursi Gatimit
Leave a comment

Byrek me Kungulleshka

Byrek me Kungulleshka. Receta e dërguar nga Flutura R.

Byrek me Kungulleshka

Përbërësit

  • 10 petë
  • 1 kg kungulleshka
  • 4 kokrra vezë
  • 1 kg qumësht
  • 1 tufë kopër
  • 50 gr gjalpë
  • 3 lugë vaj ulliri
  • pak kripë

Përgatitja

  • Përgatisim kungulleshkat duke i grirë në rende dhe i lëmë në kullorse për të kulluar ujin. Në një tigan hedhim dy lugë vaj ulliri dhe një lugë gjalpë dhe e skuqim pak kungulleshkat.
  • Pastaj hedhim qumështin por duke lënë një gotë që të njomën petët kur renditen. Rrahim 3 kokrra vezë dhe i shtojmë pasi të jetë ftohur pak kungulli në tigan, hedhim dhe koperin e grirë hollë dhe vazhdojmë shtrimin e byrekut.
  • Një kokërr veze e rrahim dhe e hedhim në një gotë me qumësht ku kemi hedhur edhe 1 luge vaj. Shtojmë petën e parë pasi e kemi lyer tepsinë me gjalpë dhe e spërkasim me përgatitjen që kemi në gotë.
  • Në mes hedhim gjellën e përgatitur dhe vazhdojmë renditjen. Pasi mbarojmë shtrimin hedhim qumështin e mbetur nga gota dhe gjysmën e gjalpit të shtrirë më parë.
  • E fusim në furrë e ngrohur më parë për pjekje. Temperatura 200°C dhe pas 20 minutash e ulim temperaturën në 150°C dhe e lëmë dhe për 20 minuta të tjera.
  • Më pas e fikim dhe e lëmë edhe 10 minuta të kullojë dhe e nxjerrim nga furri dhe e mbulojmë me një tepsi tjetër për 10 min. Sa të ftohet pak e presim në feta dhe e shërbejmë. Sipas dëshirës mund dhe të shtoni pak sheqer.

Ju bëftë mirë dhe mos harroni të votoni për këtë recetë duke klikuar mbi butoni “Like”

Na ndiqni në Instagram @ArtiGatimit dhe vendosni tag #artigatimit recetat që gatuani!

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *


Komento nga Facebook!

Enter your comment - Comments