Konkursi Gatimit
Shkruaj një koment

Mish Qengji Role me shtresë Patatesh

receta-mish-qingji-konkursi-gatimit-artigatimit-foto-cover-contest-free-gift-recipe-receta-gatimi

Receta e dërguar nga Genti H. dhe e vlefshme për Konkursin e Gatimit. Mish Qingji Role me shtresë Patatesh.

Përbërësit për Mish Qengji Role me shtresë Patatesh

    Për 4 persona

  • 1 kofshe qengji

  • 2 kokrra qepe të prera imët

  • 1 gotë thërrime buke (galet)

  • 2 lugë vaj

  • 5-6 gjethe nenexhik

  • 3 dege rozmarinë

  • 1 kg patate te prera hollë

  • 4 rrepa të bardha

  • 2 gota qumësht

  • 2 lugë gjalpë

  • 1/2 lugë miell


Përgatitja

Në mënyrë që të eliminoni angarinë në shtëpi i kërkoni kasapit ta ndajë kockën nga mishi, ose po se patët bezdi e bëni vetë në shtëpi. Skuqim qepet pa i dhëne ngjyrë me nenexhik dhe i shtojmë thërrimet e bukës. E mbledhim mirë dhe I shtojmë pak kripë e piper.
Ndërkohë mishin, duke përdorur majën e thikës e hapim paksa mesin dhe krijojmë një shtrat. E lyen me përbërjen e qepës dhe e rrotullojmë. Pra jemi duke krijuar një role në këtë mënyre.
Marrim ca spango kuzhine dhe e lidhim mirë mishin në katër vende në mënyrë që mos na hapet mishi kur ta gatuajmë. Tani marrim fletët e patateve dhe I shtrojmë në një tepsi të vogël nja tre gisht lartësi. I hedhim lart qumësht me pak kripë e një degë rozmarinë dhe gjalpë. E vendosim në furre në temperaturën 180°C dhe kurdisim orën për rreth 40 minuta.
Ndërkohë rolen e përgatitur fillojmë e skuqim në një tigan të nxehtë dhe i japim pak ngjyrë anësoresh. E vendosim në një tepsi së bashku me rrepat dhe e lëmë për rreth 15-20 minuta. Është mirë mos e thajmë shumë.
Ndërkohë heqim patatet nga furra, po kështu edhe mishin. Marrim një lugë gjalpë e hedhim në tigan, e shkrijmë pa e djegur në temperaturë të ulët dhe i shtojmë miellin. I shtojmë lëngun e krijuar nga mishi dhe e kurdisim paksa dhe tani kemi formuar një lëng të përshtatshëm që shkon me pjatën tonë.
Tani nuk na ngelet gje veçse të bashkojmë virtytet e punës sonë nëpër pjata. Paraqitja është shumë e rëndësishmen kështu që bëhuni sa më krijues.

mish-qingji-konkursi-gatimit-artigatimit-foto-cover-contest-free-gift-recipe-receta-gatimi

Ju bëftë mirë dhe mos harroni të votoni për këtë recetë duke klikuar mbi butoni “Like”

Shkruani komentin tuaj - Komente