Hithra është mbretëresha e bimëve popullore që pastron gjakun. Ky lakror dy pete mbushur me hithra duhet te jetë në tavolinën tuaj pothuajse çdo javë. Ne do të japim një recetë gatimi të thjeshtë të kuzhinës shqiptare.
Lakror dy pete mbushur me hithra
Sasia: 4 persona
Kalori: 310kcal
Përbërësit
Për brumin
- 200 gr miell
- 100 ml ujë
- 1 lugë vaj ulliri
- pak kripë
Për mbushjen
- 500 gr hithra
- 2 qepë të njoma
- 100 gr djathë i bardhë
- 1 gotë qumësht
- vaj ulliri
- nenexhik
- piper i zi
- majdanoz
Përgatitja
- Në fillim përgatitim brumin. Marrim miellin, ujin, vajin e ullirit i hedhim në një enë dhe i përziejmë për gati 5 minuta. Shtojmë dhe pak kripë dhe e përziejmë. Brumin e mbështjellim me një qeskë kuzhine dhe e lemë të pushoj për 15 minuta.
- Ndërkohë merremi me përgatitjen e mbushjes.
- Gjatë përgatitjes së hithrave duhet të veshim dorashka. Pastrojmë e lajmë hithrat e qepët dhe i presim me anë të një thike grirëse.
- Masën e hedhim në një enë dhe e shtypim me dorë sa ajo të ulet. Më pas shtojmë djathin, vajin, erëzat dhe i përziejmë përsëri.
- Mbushja është gati, vazhdojmë me petët. Ndajmë brumin në dy pjesë, me anë të okllaisë (pecit) bëjmë dy petë. Në një tavë të lyer me vaj shtrojmë një petë dhe e spërkatim me vaj. Sipër petës hedhim mbushjen duke e shpërndarë në të gjithë tavën.
- Masën e mbulojmë me petën tjetër, duke rregulluar anët të mos na dali mbushja.
- E spërkatim sipër me vaj ulliri dhe e pjekim në furrë të nxehur me 200 gradë për 10-15 minuta.
- Lakror dy pete mbushur me hithra është gati. Shoqërohet me dhallë dhe ideale për të shoqëruar pasditet pranverore.
Receta për byrek me patate, byrek me spinaq ose byrek me gjizë.
4 comments
Si behet pregaditja e ushqimeve pa yndyr
Pershendetje Majlinda, duhet ti gatuani ato ne avull apo forma te tjera te ngjashme.
Me vini shume ne ndihme me recetat tuaja. Faleminderit.
Faleminderit Meli per komentin. Vazhdoni të na ndiqni!