Një recetë gatimi e veçantë jep lezet tavolinës së shtruar. Kemi zgjedhur role me mish të grirë dhe në mes të mbushur me vezë. Një recetë që kushdo ta provoj ngelet i kënaqur. Ja si gatuhet kjo super role me mish të grirë.
Role me mish të grirë dhe mbushur me vezë
Sasia: 4 persona
Kalori: 350kcal
Përbërësit
- 250 gr mish i grirë
- 1 kokërr qepë
- 2 vezë të ziera 5 min
- 1 kokërr vezë
- 1 filxhan galetë bukë e grirë
- 100 gr djathë parmixhan
- vaj ulliri
- kripë
- piper
- majdanoz
- arrë muskat sipas dëshirës
- 2 thelpinj hudhër
- 3-4 gjethe spinaq
- qepe të njoma
Përgatitja
- Në fillim grijmë qepën dhe hudhrën shumë imët. Mund ti kalojmë edhë disa sekonda ne grirës elektrik. Në një enë hedhim mishin e grirë dhe shtojmë çfarë grimë.
- Më pas shtojmë vezën, galetën, kripë, piper, majdanoz të grirë hollë, djathin dhe i përziejmë me dorë.
- Duhet të vazhdomë sa të bëhet një masë kompakte. Masën e punuar e çojmë mbi tavolinë ku kemi shtruar një letër kuzhine.
- Mishin e grirë e hapim me dorë në formë drejtkëndëshi. Sipër hapim spinaqin të cilin e kemi futur në ujë të nxehtë me kripë dhe e kemi kulluar. Vendosim 2 vezët e ziera dhe mbledhim në formë roleje. Procesi është treguar dhe i ilustruar me foto.
- Rolenë e mbështjellim me letrën e kuzhinës duke e lidhur nga të dyja anët. Vendosim rolen me mish të grirë në një tavë të lyer me pak vaj. Me pas e futim në furrë të nxehur me 200 gradë C.
- E lemë në furrë për gati 40 minuta. Roleja pasi është pjekur dhe ftohur e presim në feta dhe i shtrijmë në pjatë. Kjo role me mish të grire dhe mbushur me vezë shoqërohet me sallata ose perime të ziera. Dhe sigurisht një gotë verë të kuqe.
Receta për hamburger, qofte të vogla ose gjellë qofte.
