Kek me kos është një ëmbëlsire e thjeshtë. Ideale për mëngjeset shoqëruar me një gotë qumësht. Për këtë recetë kemi përgatitur dhe një video, ndiqeni në vazhdim dhe mos harroni të abonoheni në kanalin tonë në Youtube.
Ëmbëlsirë kek me kos – VIDEO
Sasia: 6 persona
Kalori: 340kcal
Video
Përbërësit
- 250 gr kos i bardhe
- 4 kokrra veze
- 100 ml vaj lule dielli
- 180 gr sheqer
- 150 gr miell
- 100 gr niseshte
- 30 gr maja për ëmbëlsira
- 10 gr esencë vanilje
- lëkurë limoni
- pak kripë
Përgatitja
- Për të shpejtuar procesin e kësaj recete mund të përdorim një rrahëse elektrike. Fillojmë duke hedhur vezët në rrahësen elektrike. Bashkojmë edhe sheqerin dhe fillojmë rrahjen ne shpejtësi mesatare.
- Pasi masa të jetë fryrë, shtojmë vajin pa e ndërprere rrahjen. Ne hapin tjetër është radha të shtojmë kosin pjesë pjesë.
- Ndërkohë që masën e rrahim në mikser, grijmë lëkuren e limonit dhe ja shtojmë masës. Shtojmë dhe pak kripë.
- Gjithashtu sitim te gjitha përbërësit e thatë se bashku. Miellin, niseshte, majanë për ëmbëlsira dhe vaniljen. Produktet e situra i shtojmë tek rrahësi dhe vazhdojmë ti trazojmë.
- Lyejmë një tave me pak gjalpë dhe miell, me diametër 20/25cm. Hedhim masën e përgatitur në tavë dhe e vendosim për pjekje në furrë të nxehur në temperaturën 180°C. E lëmë të piqet rreth 40 minuta. Me pas bëjmë provën e pjekës për kek me kos.
- Ëmbëlsira kek me kos është gati, hedhim sipër sheqer pluhur dhe e shërbejmë në feta.
Provoni gjithashtu ëmbëlsirën Cheesecake me kos apo edhe
Torte me kos.
