Është koha të mbushim vazot me komposto qershie. Komposto e qershisë ruan të gjitha vlerat e frutit dhe nuk krahasohet me produktet industriale. Përgatitja është e thjeshte dhe rezultati fantastik.
Komposto qershie
Sasia: 4 vazo
Kalori: 340kcal
Përbërësit
- 2 kg qershi
- 2 kg ujë
- 300 gram sheqer
- karafil
- kanellë
Përgatitja
- Qershitë i lajmë mirë, i kullojmë dhe i pastrojmë nga bishtat. Qershitë për komposto duhet të jenë të plota dhe me ngjyrë të fortë. Në këtë mënyrë jemi të sigurte qe kemi një komposto qershie cilësorë.
- Vazot e sterilizuara më parë i mbushim me qershitë e lara. Në një enë vëmë ujin dhe sheqerin për të zier. E trazojmë të shkrijë sheqeri dhe e lemë 5 minuta të ziejë sherbeti.
- Pasi zien sherbeti e heqim nga zjarri dhe mbushim vazot me sherbet të ngrohtë. Në brendësi të vazove me komposto qershie mund të vendosim edhe aroma të ndryshme si karafil, kanellë ose pak vanilje.
- I lemë 5 minuta,që qershitë të thithin lëngun pastaj iu vendosim kapakun vazove. Vazot tashmë të vulosura i vendosim në një enë me ujë deri nën kapak. Enën ë vendosim në zierje dhe e lëmë për 20 minuta. Pas kësaj kohe, heqim vazot me kujdes dhe i lëmë të ftohen.
- Komposto qershie tashmë është gati për ti konservuar. I vendosim vazot me komposto në një vend të freskët dhe larg nga drita.
Ju bëftë mirë nga Arti Gatimit
Mos harroni të shfletoni recetat e tjera me qershi si; kek qershi dhe gliko qershie
Jeni abonuar në njoftimet e faqes? çfarë prisni, kliko të merrni receta gatimi direkt në postën tuaj!
