Receta për Komposto kumbulle

Për të përgatitur komposto kumbulle duhet të zgjedhim kumbulla të pjekura dhe të forta ,jo të qullëta. Kjo komposto mund të përdoret në çdo periudhë të vitit dhe nevojiten vetëm tre përbërës, fruta të freskëta, ujë dhe sheqer.

Receta për Komposto kumbulle

Prep Time30 minutes
Cook Time10 minutes
Total Time40 minutes
Course: Komposto
Cuisine: Mediterranean
Keyword: embelsire
Sasia: 4 vazo
Kalori: 300kcal

Përbërësit

  • 2 kg kumbulla
  • 1.6 L ujë
  • 350 gr sheqer

Përgatitja

  • Kumbullat i lajmë mirë në ujë të rrjedhshëm dhe i fshijmë me pecetë. Me kumbullat e pastruara mbushim vazot. Bërthama e kumbullës është në dëshirën tuaj, mund ta hiqni ose jo. Por duhet të dini së bërthama i jep një shije të veçantë lëngut të kompostos kur ta konsumojmë.
  • Ujin dhe sheqerin i hedhim në një tenxhere dhe i lemë të ziejnë për pesë minuta. Me sherbetin e ngrohtë mbushim vazot të cilat i kemi sterilizuar më parë dhe i mbyllim fortë.
  • Në një tenxhere me ujë të bollshëm vendosim një pecetë rrobe në fund të saj. Pasi të ngrohet uji deri në 50-60° vendosim vazot dhe i vëmë kapakun tenxheres. Pasi të vloji uji në tenxhere e lemë edhe 10 minuta në zjarr të ngadalshëm.
  • Fikim zjarrin dhe i lemë vazot derisa të ftohet uji. Më pas i nxjerrim vazot dhe i ruajmë në vend të freskët.
  • Pas 30 ditësh komposto kumbulle është gati dhe mund ta konsumojmë. Përgatitur në këtë mënyrë komposto kumbullës është e sigurt për 12 muaj.
  • Kumbullat janë të pasura me fenole (derivate të hidrokarbureve aromatike) dhe shumë veti antioksidues, gjithashtu përbëjnë një sasi të konsideruar vitaminash B, PP, vitamina C, fosfor, magnez etj. Kumbullat ndikojnë në heqjen stresit, por edhe për dhimbjet reumatike.

Lexoni recetat për komposto qershie, komposto luleshtrydhe ose prevede kumbulle.

Ju bëftë mirë nga Artigatimit.com

0 Shares
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Gliko me lëkura limoni

Lëkura limoni në shurup përgatiten me lëngun e portokallit dhe kanë një aromë fantastike. Përdorimi kësaj lloj gliko në recetat për ëmbëlsira është nga më të ndryshëm, shijes i jep një flagrancë aromatike por përdoret edhe si dekor.

Reçel portokalli

Reçeli i portokallit i përgatitur në shtëpi është me të vërtetë shumë i shijshëm. Ka një aromë të mrekullueshme. Me këtë reçel mund të shoqërojmë pjatanca të ndryshme djathrash, mund të përgatisim torta të shijshme ose mund ta shijojmë me një copë buke të thekur.

Gliko Portokalle

Kur flasim për llojet e glikove, gliko portokalle menjëherë na shkon mendja tek amvisat përmetare, të cilat janë mjeshtre perfektë për përgatitjen e tyre. Glikotë, amvisat zakonisht i përdorin për qerasje si dhe për përgatitjen e ëmbëlsirave të ndryshme.

Lëng Molle Natyral

Lëng molle i përgatitur në shtëpi ka shume veti për organizmin tonë, pasi nuk përmban konservant apo produkte të tjera kimik. Gjithashtu mollët janë të pasura me fibra, antioksidues dhe kripëra minerale.