Bakllava e shpejtë në forme role, me peta të hollë dhe një mbushje fantastike. Shurupi me aromat karakteristike dhe forma e saj e bën këtë recete bakllava të veçantë.
Bakllava e shpejtë role – Saragli
Sasia: 10 persona
Kalori: 320kcal
Video
Përbërësit
Për Bakllavanë
- 1 pako petë të holla filo
- 450 gr gjalpë i shkrirë
- 100 gr arra
- 100 gr bajame
- 100 gr fistike
- 1 luge çaji kanellë
- 1 gjysme luge çaji karafil
Për sherbetin
- 600 gr sheqer
- 300 ml ujë
- 1 shkop kanellë
- fara karafili
- lëkura limoni
- lëngu i një limoni
Përgatitja
- Përpara se të fillojmë, në një grirës kuzhine, grijmë për disa sekonda, arrat, bajamet dhe fistiket. Më pas i bashkojmë të treja së bashku dhe hedhim kanellë dhe karafil të grirë imët.
- Për përgatijen e kësaj bakllavaje jemi duke përdor petë të gatshme filo. Këto janë pete të holla dhe mund të gjenden në pako me nga 20 flet. Heqim petën e parë nga pakua dhe e vendosim mbi tavolinë.
- E spërkatim me gjalpë dhe e hapim yndyrën në të gjithë sipërfaqen e petës me anë të një furçe kuzhine.
- Sipër petës hedhim nga mbushja e përgatitur. Më pas petën e mbledhim në formën e rolesë. Mund të ndihmohemi me një pec të hollë. Petën e dytë duhet ta lyejmë vetëm me gjalpë dhe e mbështjellim tek peta e parë. Në fund, e shtrëngojmë nga të dyja anët dhe e bëjmë në formën e fizarmonikës dhe e vendosim në tavën e lyer me gjalpë.
- Kështu do të vazhdojmë me të gjitha petët, i lyejmë me vaj, të parën e mbushim me arra, bajame e fistikë dhe e mbledhim role. Petën e dytë e lyejmë vetëm me gjalpë, e mbledhim tek e para duke e bere fizarmonike dhe e vendosim në tavë.
- Pasi i mbarojmë të gjitha petët, gjalpin e ngelur e hedhim sipër petëve në tavë. Sigurohemi që të jenë lyer të gjitha pjesët sipër. Përpara se ta pjekim, bakllavanë duhet ta presim. Kryejmë 2 ose 3 prerje për së gjati.
- Tavën e futim në furrë të nxehur me 160 gradë për 80-90 minuta.
- Ndërkohë merremi me sherbetin, lexo këtu si përgatitet sherbeti për bakllava.
- Pasi bakllavaja është pjekur duhet ta sherbetosim direkt. Hedhim me kujdes sherbetin e përgatitur në tavën me bakllava.
- Bakllava e shpejte është gati. E lëmë disa orë përpara se ta shërbejmë.
- Shtojmë sipër disa copëza fistikë të grirë dhe e shërbejmë në copa.
Ju rekomandojmë dhe këto receta bakllava:
Bakllava Shqiptare
Bakllava Turke
Ju bëftë mirë!
Ju ftojmë gjithashtu të abonoheni në kanalin tonë në YouTube për të parë të parët recetat e reja.
