Strudel me mollë është një ëmbëlsirë tipike e zonës së Trentino në Itali. Kjo ëmbëlsirë konsiston në një role brumi i mbushur me mollë dhe rrush të thatë. Recetë e shijshme, e ëmbël, me kosto të lirë dhe e shpejtë për tu përgatitur.
Strudel me mollë
Sasia: 4 persona
Kalori: 250kcal
Përbërësit
Për brumin
- 290 gr miell llojit 00
- 2 kokrra vezë
- 125 gr gjalpë
- lëngu i gjysmë limoni
- kripë
Për mbushjen e strudel
- 500 gr molle Renetta ose Golden
- 70 gr rrush i thatë
- 10 gr fara pishe
- 60 gr sheqeri i trashë
- 60 gr gjalpë
- kanell
- sheqer pluhur
- rhum
Përgatitja
- Për të përgatitur brumin për strudel fillojmë duke hedhur ne robot kuzhine miellin së bashku me lëngun e gjysmë limoni. Nëse nuk keni robot kuzhine brumi mund të zihet edhe me dorë në tavolinën e punës. Duhet ta punojmë derisa brumi të shkëputet nga bordura e enës. Nëse është e nevojshme shtojmë pak ujë pjesë pjesë.
- Formojmë një top me brumin për strudel dhe e vendosim në frigorifer të pushojë për 30 minuta.
- Në hapin tjetër pastrojmë mollët dhe i presim në feta. Më pas brumin e hapim për së gjati shumë hollë në tavolinën e punës dhe sipër e lyejmë më gjalpë. Në një anë rreshtojmë fetat e mollës, rrushin e thatë por të regjur në rum dhe farat e pishës. Spërkasim sipër më kanellë dhe sheqer.
- Me kujdes rrotullojmë brumin disa herë që të mbështjelli mbushjen e strudel. Lyejmë sipërfaqen e brumit me gjalpin e ngelur dhe hedhim sheqer pluhur.
- Strudel me mollë e pjekim në furrë të nxehte 220°C për 20 minuta. Sipërfaqja e strudel duhet të jetë ngjyrë lajthie dhe kërce.
- Shërbejmë strudel me mollë në feta duke spërkatur përsëri pak sheqer pluhur.
Lexoni gjithashtu recetën Biskota me mollë
