Receta me Oriz
Shkruaj një koment

Rizoto me karkaleca dhe kungull

Përgatitja: 25 min - Pjekja: 20 min - Sasia: 4 Persona

Rizoto me karkaleca dhe kungull është me të vërtetë të shkëlqyeshme, pasi produktet kombinojnë shumë më njëra tjetrën dhe është një shijë e përkryer. Në një darkë me meny peshku, kjo është një pjatë e parë me oriz shumë e goditur dhe delikate.


Përbërësit për Rizoto me karkaleca dhe kungull


  • 360 gr oriz për rizoto

  • 400 gr kungull

  • 300 gr karkaleca

  • 100 ml verë e bardhë

  • 800 ml lëng perimesh

  • 2 qepujka

  • 4 gjethe borzilok

  • vaj ulliri ekstra i virgjër

  • kripë

  • piper


Përgatitja

Për rizoto me karkaleca dhe kungull si fillim duhet të grijmë hollë qepën dhe ta skuqim paksa në një tigan me vaj ulliri. Me pas shtojmë edhe kungullin e prerë në kube të vegjël. I lëmë në zjarr për disa minuta të kaurdisen së bashku.

Një enë tjetër e vendosim në zjarr dhe hedhim përsëri pak vaj ulliri kur është e nxehtë. Hedhim orizin dhe e trazojmë vazhdimisht që mos të digjet. Më pas e shuajmë me pak verë të bardhë. Kur pjesa e alkoolit të ketë avulluar shtojmë një pjesë të lëngut të perimeve. Rregullojmë kripën dhe vazhdojmë të hedhim lëngun e perimeve.

Përpara se orizi të behët, shtojmë edhe kungullin së bashku me karkalecat e pastruar. Heqim nga zjarri rizoto me karkaleca dhe kungull e shtojmë pak vaj ulliri ekstra i virgjër dhe borzilok. E trazojmë që perimet dhe karkalecat të shpërndahen në mënyrë të njëtrajtshme.

Pjata e parë rizoto me karkaleca dhe kungull është gati. E shërbejmë të shoqëruar me një gotë vere të bardhë, ideale për një meny peshku.

Ju bëftë mirë!

Ju këshillojmë gjithashtu të lexoni recetat për Oriz i kuq me karkaleca apo edhe rizoto me kërpudha.

Lini një Përgjigje

Your email address will not be published. Required fields are marked *


Komento nga Facebook!

Shkruani komentin tuaj - Komente