Tortellini me domate është një pjatë e pare ideale për të dielat në shtëpi. Tortellini janë një makarona të mbushura, tipike e qytetit të Bolonjës dhe Modenës. Brumi përgatitet zakonisht vetëm me vezë ndërsa kombinimet e mbushjes janë nga më të ndryshme.
Tortellini me domate
Sasia: 4 persona
Kalori: 189kcal
Përbërësit
- 360 gr tortellini
- 350 ml salcë domate
- 200 gr domate të vogla
- 1 thelb hurdhe
- vaj ulliri ekstra i virgjër
- rigon
- kripë
- piper
- djathë i grirë
Përgatitja
- Për të përgatitur tortellini me domate jemi duke përdorur makarona të gatshme, ato mund të përgatiten edhe në shtëpi. Lexo recetën për makarona të freskëta.
- Vendosim një enë me ujë të bollshëm në zjarr. Pasi uji ka filluar të zieje hedhim kripën dhe me pas makaronat tortellini.
- Në një tigan që e vendosim në zjarrë, hedhim vaj ulliri dhe thelbin e hurdhës. E lënë për disa çaste dhe më pas shtojmë domatet e vogla të lara dhe të ndara në gjysmë. Pas disa minutash shtojmë salcën e domates. E lëmë dhe pesë minuta të tjera në zjarr. Shtojmë kripë, piper dhe rigon sipas dëshirës dhe fikim zjarrin.
- Kullojmë makaronat dhe i bashkojmë tek salca e përgatitur me domate. I përziejmë mirë dhe e vendosim për te paktën dy minuta në zjarr.
- Tortellini me domate janë gati për ti shërbyer. I hedhim nëpër pjata dhe sipër sipas dëshirës mund të shtojmë djathë të grirë.
Receta për makarona ne furre, makarona me fistik ose makarona me peshk
