Panna Cotta shoqëruar me krem luleshtrydhe. Budingu italian i kombinuar me frutat kthehet një ëmbëlsirë e shijshme dhe e lehtë. Receta e panna cotta është e thjeshtë por sigurohuni që ajka që do të përdorni të këtë rreth 30% yndyrë.
Version i lehtë i ëmbëlsirës italiane panna cotta. Kësaj radhe e kemi shoqëruar me luleshtrydhe.
Panna Cotta me luleshtrydhe
Sasia: 4 persona
Kalori: 230kcal
Përbërësit
- 250 ml qumësht
- 250 ml panna ajkë 30% yndyrë
- 50 gr sheqer
- 5 gr esencë vanilje
- 2 gr agar-agar
- 200 gr luleshtrydhe
- 40 gr sheqer
Përgatitja
- Në një tenxhere hedhim qumështin, panna me 30% yndyrë, sheqer, vanilje ose kokrrizat e një shkopi vanilje. I trazojmë mirë dhe i vendosim në zjarr. Sapo të filloje të ziejë hedhim 2 gr agar-agar, trazojmë mirë dhe e lemë në zjarr 2-3 minuta të tjera (jo më tepër).
- Hedhim kremin në forma ose gota individuale, i lëmë të ftohen dhe i vendosim në frigorifer. Duhet të ftohen të paktën 2-3 orë.
- Për të shoqëruar panna cotta luleshtrydhet janë ideale. Luleshtrydhet mund ti presim në copa të vogla, u shtojmë sheqerin ( nëse janë të ëmbla nuk kane nevoje për sheqer) dhe i hedhim mbi gota në momentin që do ti shërbejmë.
- Në alternative luleshtrydhet mund ti kalojmë në mikser dhe i hedhim sipër deri në momentin e shërbimit.
- Panna cotta është gati. Zbukurojmë me gjethe mente ose fruta të freskëta.
Notes
agar – agar (anglisht: agar) Është xhelifiant që përftohet nga algat e kuqe japoneze.
Ju bëftë mirë!
