Qepë të skuqura me miell për një antipastë të shijshme

2 Shares
1
0
1
Do të shikojmë si të gatuajmë rrathë qepe të skuqur me miell në mënyrë të përsosur. Qepa konsiderohet nga mjekësia popullore si një lëndë profilaktike, kurative kundër sëmundjeve infektive ngjitëse. Prandaj rekomandohet që qepa të përdoret çdo ditë në gjellë ose në sallatë.

Qepë të skuqura me miell

Prep Time15 mins
Cook Time10 mins
Total Time25 mins
Course: Appetizer
Cuisine: Global
Keyword: perime
Sasia: 4 persona
Kalori: 160kcal

Përbërësit

  • 2 kokrra qepë të mëdha
  • vaj për skuqje

Për brumin:

  • 100 gr miell
  • 20 gr niseshte
  • 1 kokërr vezë
  • 1/2 lugë fryrës i menjehershem
  • 150 ml qumësht
  • pak kripë

Përgatitja

  • Për të përgatitur qepë të skuqura me miell, fillojmë me brumin. Në një enë qelqi hedhim miellin, niseshtenë, kripë, fryrësin, dhe i përziejmë mirë përbërësit e thatë se bashku. Në një enë tjetër rrahim pak vezën dhe shtojmë qumështin. Shtojmë më pas përbërësit e thatë pjesë pjesë duke e trazuar mirë të mos na ngelen kokrriza në brumë.
  • Qepën e presim në formë rrethore. Pasi e përfundojmë së preri i shkëpusim unazat nga njëra tjetra.
  • Në një enë të thellë hedhim vajin dhe e vëmë në zjarr të avashëm. Marrim unazat një e nga një i futim në brumë, duke hequr tepricën dhe i hedhim në vajin e ngrohur.
  • I kthejmë nga të dyja anët sa të marrin një ngjyrë të verdhë të hapur dhe i heqim duke i vendosur në një pjatë ku kemi shtruar një letër kuzhine për të thithur vajin e tepërt.
  • Qepët e skuqura janë gati për një antipastë të shijshme. Mund ti shoqërojmë me salca të ndryshme ose salcë kosi me kopër.

Lexoni recetën për qepë të ëmbla ose qepe në furrë.

Ju bëftë mirë Artigatimit.com

2 Shares
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Vezë në kulaç

Kjo është një recetë e bukur dhe e shijshme pa diskutim që përgatitet me rastin e Pashkëve dhe jo vetëm. është një tortë e kripur, e mbushur brenda me djathra të ndryshëm e salçiçe. Sipas dëshirës dhe shijeve mund ta mbushim brenda edhe me proshutë, sallam, kunguj të vegjël, etj. Përgatitja nuk është shumë e vështirë, por duhet pak kohë për brumin. Përfundimi i këtij kulaçi ia vlen mundimin e bërë. Të gjithë do të ngelen të kënaqur.

Receta për Bruschetta

Si të përgatisim bruschetta me domate? Fjala bruschetta rrjedh nga buka e thekur, duke qenë se është produkti kryesor për përgatitjen e brusketës së përsosur.

Pancakes me patate

Patatet gjejnë përdorim të gjerë në tryezat tona. Gjeni shumë receta gatimi me patate ne faqen tonë, sot po shikojmë një version të pancakes me patate skuqur në tigan.

Kunguj me domate e mocarela

Kjo pjatë e freskët është ideale për një aperitiv me miqtë apo për një antipastë të shijshme. Këto feta kunguj duken si pica të vogla, për vetë faktin që janë me salcë e mocarela sipër. Janë shumë të thjeshta për tu përgatitur, mjafton të pjekësh në zgarë fetat e kungujt e ti hedhësh sipër salcën dhe djathin. Pëlqehen nga e gjithë familja.