Embëlsira
14 komente

Shëndetlie

receta-shendetlie-shandetlie-embelsira-shqip-shqiptare-tradicionale-recipe-video
Përgatitja: 20 Mins - Pjekja: 40 Mins - Sasia: 6 Persona

Shëndetlia është padyshim një nga ëmbëlsirat shqiptare më të mira. Para shumë vitesh shëndetlia gatuhej veç në raste festash, por tani me këto pak përbërës që i gjejmë kudo mund ta gatuajmë në çdo moment. Vetë emri i kësaj ëmbëlsire thërret ‘shëndet’, kështu që mund tua shërbejmë edhe fëmijëve.

Përbërësit për Shëndetlie


  • 5 veze + 1 të verdhe veze për lyerje sipër

  • 500 gr miell

  • 150 gr mjaltë

  • 100 gr sheqer

  • 200 gr gjalpë

  • 200 gr arra

  • 1 lugë kafeje sodë buke
  • Për sherbetin

  • 1 gotë ujë

  • 2 gota sheqer

  • 2 lugë lëng limoni

  • pak karafil

  • pak vanilje

Përgatitja e Shëndetlies

Në një tepsi hedhim miellin, e hapim rreth. Në mes të tij hedhim vezët, gjalpin e shkrirë më parë, mjaltin e sheqerin dhe i përziejmë mirë gjithë përbërësit. Shtojmë sodën e bukës. Vazhdojmë ti përziejmë mirë derisa të kemi arritur një masë homogjene. Më pas shtojmë dhe arrat dhe vazhdojmë ti përziejmë derisa të jenë bashkuar mirë me brumin e përgatitur.

Brumin e përgatitur e hedhim në një tepsi të lyer më parë me gjalpë e pak miell ( në mënyrë që të mos ngjitet). ( Për këtë masë duhet një tavë me diametër rreth 26-30 cm.)
Vendosim tavën të piqet në furrë të nxehtë 140°C përreth 40 minuta ose derisa të shohim që pjesa sipër të ketë marrë një ngjyrë kafe të bukur të errët.

Më pas fikim furrën duke e lënë tavën brenda që të kullojë përreth gjysmë ore. Pastaj e nxjerrim jashtë dhe e lemë të ftohet dhe më pas e presim në copa.

Ndërkohë përgatisim sherbetin duke zier ujin me sheqerin dhe karafilin e vaniljen. Sherbetin e hedhim të nxehtë mbi ëmbëlsirën e ftohtë. E lemë të regjet mirë dhe të ftohet komplet e më pas shërbejmë shëndtlien në pjata.

Shëndtlia është më e mirë nëse përgatitet një ditë më parë, kështu do të jetë akoma më e shijshme.

Ju bëftë mirë nga ArtiGatimit.com!

receta-shendetlie-shandetlie-embelsira-shqip-shqiptare-tradicionale

14 Comments

  1. ajshe says

    gjalp osht si dhojj margarin amo jo qe elym buken per amelzina e per jemek osht

  2. arjanita says

    shum emir kjo recet por ne qe jetojm jasht vendit sod te bukes sun poxhajm cmund te zevendesojm nvend te sodes edhe pa drendafil amujm me bo ose cka zavendeson drendafili meq

    • Ana says

      Sode buke nqse jeton ne vende qe flitet anglisht eshte baking soda ose baking powder. Mund te kete ne cdo grocery store.

  3. Evis Krista Xhavo says

    A mund te me thoni kur lyhet persiper me te verdhren e vezes, para pjekjes apo pas?

  4. merlia says

    shendetlia doli fantastike hengra pothuajse gjysmen e tepsise ishte bere shume e mir sot qe kam njerez do te gatuaj shendetli shpresoj qe tju pelqej jeni te papar artigatimi me keni kenaqur me keto receta kaq te shijshme bravooo’

  5. Flora says

    Vanilje pluhur apo leng dha sa duhet me i hedh nji lug te vogel apo te madhe dhe per karafilin si ta gjej ne angli dhe sa ti hedh ju faleminderit per recetat pres pergjigje

  6. Eva says

    Pas 40 minutash ne 140 grade, shendetlia akoma ishte e papjekur, vetem sa kishte ardhur pak fare.. Mu desh ta zgjasja pjekjen per rreth 15-20 minuta dhe kesaj here ne 180 grade…

    • Çdo fur ka intensitet te ndryshëm nxehtësie! Gjithmonë duhet kontrolluar si për pjekje dhe për faktin mos e tejkalon.

      • brixhilda says

        a mund ta hedhim miellin ne fund te gjithe perberesve
        dhe brumi duhet te behet i holle apo i forte

Shkruani komentin tuaj - Komente