Byrek me angjinare

Kjo recetë është ideale për të shoqëruar një aperitiv me miqtë. Këtë lloj torte të kripur mund ta servirni edhe si antipatë të prerë në copa të vogla në formë katrore.

Byrek me angjinare

Sasia: 0

Përbërësit

  • 2 <a href="http://www.artigatimit.com/2012/04/pete-e-vecante-me-gjalpe/" title="Petë e veçantë me gjalpë Pasta Sfoglia">petë speciale
  • 1 qepë të kuqe
  • 400 gr angjinare
  • 200 gr djathë të tymosur
  • 60 gr djathë parmixhan të grirë
  • 1 vezë
  • pak kripë
  • pak piper
  • pak vaj ulliri
  • 1 pako shafran pluhur
  • 1 thelpi hudhre

Përgatitja

  • Si fillim përgatisni petët e byrekut ( mund të përdorni edhe petë të thjeshta, por më i shijshëm bëhet me petët speciale me gjalpë. Kliko këtu për të parë recetën).
  • Filloni të pastroni mirë angjinaren ( Kliko këtu për të parë se si pastrohen).
  • Në një tigan me vaj grini qepën, kapardiseni pak e më pas shtoni angjinaret e prera në copa. Bashkoni në të dhe hudhrën, kripë e piper. Trazoheni mirë, mbuloni tiganin me kapak dhe lëreni të piqen me zjarr të ulët. Në një gotë me pak ujë shkrini shafranin, trazoheni dhe shtojeni në tigan. Lëreni tiganin në zjarr derisa të jenë bërë angjinaret.
  • Më pas shtoni djathin e tymosur të prerë në copa, djathin e grirë dhe vezën e rrahur. Trazoni mirë gjithë përbërësit dhe hidhni masën e përgatitur mbi petë. Mbulojini me petën tjetër sipër. Bëjini disa prerje me thikë petës sipër.
  • Tavën piqeni në furrë të nxehtë 230°C përreth 40 minuta.
  • Pasi është pjekur lëreni të ftohet e më pas priheni byrekun në copa dhe shijojeni të ngrohtë.

Ju bëftë mirë!

1 Shares
1 comment
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Speca gogozhare

Speca gogozhare janë shoqërueset e shumë pjatave në stinën e dimrit. Kjo recete është shume e thjeshte për tu përgatitur dhe specave mund ti konservojmë shijen dhe vlerat për një kohe të gjatë. Për të përgatitur gogozhare preferohet speci me shume tul kurse ngjyra sipas preferencës.

Sallatë ruse

Sallata ruse është një pjatë e ftohtë, tipike e kuzhinës ruse, e njohur në gjithë botën. është një pjatë shumë e shijshme, me bazë perime të ziera të përziera me majonezë. Ekzistojnë shumë variante të kësaj pjate, ne po japim versionin më të thjeshtë

Vezë në kulaç

Kjo është një recetë e bukur dhe e shijshme pa diskutim që përgatitet me rastin e Pashkëve dhe jo vetëm. është një tortë e kripur, e mbushur brenda me djathra të ndryshëm e salçiçe. Sipas dëshirës dhe shijeve mund ta mbushim brenda edhe me proshutë, sallam, kunguj të vegjël, etj. Përgatitja nuk është shumë e vështirë, por duhet pak kohë për brumin. Përfundimi i këtij kulaçi ia vlen mundimin e bërë. Të gjithë do të ngelen të kënaqur.