Petullat janë padyshim një festë për fëmijët dhe jo vetëm. Receta e petullava me kos është e thjeshtë dhe në pak kohë kemi një pjatë të shijshme për të gjithë.
Petulla me kos
Sasia: 0
Përbërësit
- 500 g miell
- 350 ml dhallë kos i holluar me ujë
- 1 kokërr vezë
- pak kripë
- 1 lug gjelle raki
- 5 gr maja birre
- 1 filxhan vaj
Përgatitja
- Shkrijmë majanë në një gotë me pak ujë të vakët.Në një enë qelqi hedhim miellin.
- Shtojmë pak kripë te mielli. E përziejmë dhe hedhim vezën. Shtojmë ngadalë dhallën duke e përzier me kujdes.
- Shtojmë edhe rakinë. E përziejmë përsëri. Në fund shtojmë edhe majanë e shkrirë. Trazojmë mirë gjithë përbërësit.
- Brumi i petullave duhet të jetë pak më i qullët se brumi i picës ose byrekut.
- Lemë brumin të vijë në enën të mbuluar me pecetë, derisa të dyfishohet volumi i tij. Më pas hedhim vajin në një tigan të madh. E nxehim vajin 170-180°C ( ose derisa të kaloni dorën mbi vaj ta ndieni nxehtësinë e tij).
- Më pas lagim me pak ujë duart dhe marrim brumin pak e nga pak. Hapim brumin në formë petullash dhe e hedhim në tigan për skuqje.
- I kthejmë me kujdes. Vazhdojmë në këtë mënyrë derisa të kemi mbaruar gjithë brumin.
- Petullat e përgatitura i vendosim në pjatë. I shtojmë sipër mjaltë e kanellë ose sheqer sipas dëshirës, por mund edhe ti shoqërojmë me djathë nëse ju pëlqen versioni i kripur.
- I shërbejmë petullat e ngrohta.
Notes
Përgatitja e petullave
Ju bëftë mirë nga ArtiGatimit!
16 comments
pse perdoret rakia?a ka ndonje funksion te petullat?pastaj a i ben dem femijeve po t shtojme rakine?
Nuk i bën dem aspak fëmijëve! Si sasi e vogël ajo avullon menjëherë dhe shërben mos te marri shume vaj. Gatime të mbara!
Ne vend te rakise shto 1 lug uthull, Maja birre eshte Kvasec
Ju faleminderit per recetat qe na dergoni por kam nje sugjerim te
vogel ( masat e materjaleve ti vini edhe ne luge kafe ose gjelle ) per arsye peshimi.
Faleminderit per mirkuptimin.
Faleminderit!
po pa raki a behen?
Po, por do marrin shume vaj!
shume te mira
:)
Pershendetje! Pason probleme nese ne vend te majase se birres te perdorim maja buke?
Mjafton te mos jete maja me kohe shume te zgjatur ardhje!
shfaqet ndonje problem nese ne vend te majas se birres te perdorim maja buke?