Sallatë frutash apo në disa vende kjo recetë merr dhe emrin macedonia. Tipike për stinën e verës ku një përzierje frutash dhuron shumë freski dhe relaksim. Duhet shumë pak kohë për ta përgatitur dhe mënyrat e shërbimit janë nga më të ndryshmet.
Sallatë frutash
Sasia: 4 persona
Kalori: 180kcal
Përbërësit
- 150 g luleshtrydhe
- 2 kokrra kivi
- 2 kokrra pjeshkë
- 1 kokërr limon
- 2 banane
- gjysmë pjepri
- gjysmë ananasi
- 50 g sheqer
Përgatitja
- Pasi kemi larë të gjitha frutat, i presim në copëza të vogla katrore. Fillojmë me luleshtrydhet, kivin, pjeshkat, pjeprin, ananasin dhe në fund bananen.
- Pasi kjo e fundit ka tendence të nxihet. Llojet e frutave mund ti ndryshoni sipas dëshirës, por mos përdorni vetëm fruta të ëmbël. Por nëse e bëni sigurohuni që sheqeri të jetë i një sasie më të ulët.
- Pasi ti kemi prerë të gjitha frutat, i hedhim në një enë qelqi dhe shtrydhim kokrrën e limonit sipër. Si hap i fundit na ngelet të shtojmë sheqerin dhe e trazojmë të gjithë së bashku.
- Këshillohet që sallatën e frutave ta lini në një vend të freskët për të paktën 1 orë, kështu frutat zbuten dhe shkëmbejnë shijet.
- Mund ta shërbeni ne një kupë qelqi të shoqëruar më akullore ose dhe kështu siç është.
Receta për krostate me fruta ose lëng frutash.
