Patate krokante janë shumë të pëlqyeshme nga fëmijët. Po japim një recetë të përgatitjes së tyre në mënyre të shëndetshme. Përdorni vaj ulliri ekstra të virgjër cilësor.
Patate krokante në furrë
Sasia: 4 persona
Kalori: 170kcal
Përbërësit
- 500 gr patate
- 200 gr djath pamixhan
- 3 kokrra vezë
- 1 lugë galetë
- pak piper
- pak spec të kuq jo djegës
- vaj ulliri ekstra të virgjër
- majdanoz
- pak kripë
Përgatitja
- Në një enë përziejmë djathin e grirë, galetën, specin, majdanozin e grirë hollë dhe kripën. E trazojmë masën. Në një enë tjetër rrahim pak vezët.
- Patatet pasi i kemi qëruar dhe larë, i presim rripa – rripa të gjatë. Mund të përdorim edhe prerëse për patate, për të pasur gjithçka uniforme.
- I marrim patatet një e nga një, i lyejmë tek ena me vezë pastaj te ena me përbërësit e djathit dhe i rreshtojmë në një tave te lyer me vaj ulliri.
- Patatet i pjekim në furrë të nxehur për rreth 20 minuta.
- Patate krokante janë gati për tu shërbyer. Ideale edhe për diçka të shpejtë pasditeve. Krokante (croccante) është huazuar nga italishtja qe do te thotë kërce (angl: crisp)
Ju bëftë mirë nga Arti Gatimit
Lexo gjithashtu recetën per pure patate ose recetën për patate në tavë me djathë.
