Karota në avull me vaj aromatizues

Perimet nuk duhet të mungojnë në tavolinë dhe mbi të gjitha karotat. Mënyrat që mund të përgatiten janë të shumta. Karota në avull është një recetë e thjeshtë dhe me shume vlera.

Karota në avull me vaj aromatizues

Prep Time10 minutes
Cook Time10 minutes
Total Time20 minutes
Course: Salad
Cuisine: Mediterranean
Keyword: healthy
Sasia: 4 persona
Kalori: 140kcal

Përbërësit

  • 200 gr karota
  • vaj ulliri ekstra i virgjër
  • 1 thelbi hudhër
  • 1 lug çaji lëng limoni
  • majdanoz
  • kripë
  • piper

Përgatitja

  • Karotat duhet të jenë të freskëta dhe të plota. Nëse përmbajnë papastërti i kalojmë një herë në ujë të rrjedhshëm. Fillojmë duke i qëruar dhe pastaj duke prerë bishtat.
  • I lajmë edhe një herë karotat dhe i vendosim në pjesën e sipërme të enës me avull. Mbushim enën poshtë me ujë dhe nëse dëshirojmë hedhim disa erëza në të. Ose alternative mund të hidhni disa pika uthull balsamike dhe pak xhinxher. Pra alternativat janë të ndryshme, provoni ato që shkojnë më shijen tuaj.
  • Vendosim enën në zjarr, dhe e lëmë për 10/20 minuta. Koha mund të ndryshojë sipas madhësisë së karotave ose modelit të enës me avull. Gjithsesi bëni provë më një pirua duke shpuar karotat.
  • Pasi janë zier i heqim nga zjarri dhe i vendosim nëpër pjata. Tani përgatisim vajin aromatizues për ta hedhur sipër karotave në avull.
  • Në një enë të vogël hedhim vajin së bashku me pak kripë dhe piper. Shtypim hudhrën në shtypëse dhe e bashkojmë tek vaji. Gjithashtu grijmë shumë hollë majdanozin dhe e bashkojmë edhe këtë tek vaji aromatizues. Hedhim lëngun e limonit dhe i trazojmë të gjithë së bashku.
  • Tani që vaji aromatizues është gati e hedhim sipër karotave. Sallata karota në avull është gati. E lëmë rreth 10 minuta të marri shije dhe e shërbejmë.

Nëse ju pëlqejnë karotat, ju ftojmë të lexoni edhe recetën për sallatë me karkaleca ose sallate me luleshtrydhe.

Ju bëftë mirë!

0 Shares
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Receta për Majonezë

Majoneza është një nga salcat më të njohura e më të përhapura në botë. Përdorimi i saj në kuzhinë është i gjerë. Majoneza shkon mirë me peshkun, me mishin e ftohtë, me vezë të ziera, me perime të ndryshme apo si bazë për salca të tjera.

Kastravecë turshi

Kastravecë turshi është një recetë tjetër që na mundëson të konservojmë kastravec për një kohë të gjatë. Kastravecët duhet të jenë në madhësi mesatare dhe zgjidhni ata më cilësorët. Kastravecë turshi kanë një kosto të ulët dhe mund të shoqërojnë çdo pjatë ose mund të shërbehen gjatë një aperitivi midis miqsh.