Ëmbëlsirë pa pjekje me një shijë çokollate dhe përbërje krokante. Ideale për të shoqëruar pasditet e kafesë. Lexoni gjithashtu recetën për ëmbëlsira te vogla me çokollatë
Ëmbëlsirë pa pjekje me gjalpë kikiriku
Sasia: 4 persona
Kalori: 200kcal
Përbërësit
- 300 gr gjalpë kikiriku
- 200 ml mjaltë
- 200 gr arrë kokos i bluar
- 300 gr kakao pluhur
- 100 gr tërshërë
- 1 lugë gjelle fara chia
- vanilje
Përgatitja
- Në një enë të madhe hedhim të gjithë përbërësit: gjalpin e kikirikut, mjaltin, kakaon, tërshërën, farat chia, vaniljen, përveç arrës së kokosit bluar që hedhim gjysmën e saj. I përziejmë mirë dhe derisa të formohet një masë homogjene.
- Brumin e formuar e mbulojmë me qeskë kuzhine dhe e vendosim në frigorifer të paktën gjysmë ore. Më pas marrim masën dhe formojmë topa të vegjël me diametër rreth 3cm.
- Ëmbëlsirat pa pjekje që formuam i kalojmë sipër arrës së kokosit të grirë. I vendosim përsëri në frigorifer për të paktën 1 orë.
- Kjo ëmbëlsirë pa pjekje mund të shërbehet në momentin e kafes ose kur duam diçka të ëmbël, pasi mund ta konservojmë edhe deri në një javë.
Ëmbëlsire me çokollate e gjalpë kikiriku
