Clericot është një pije me origjinë franceze, por disa thonë se është shpikur nga anglezët që jetonin në Indi, për të freskuar nxehtësinë. Përgatitja e kësaj pije është super e lehtë dhe mund të shërbehet në një gotë vere.
Pije Franceze – Clericot
Sasia: 6 persona
Kalori: 210kcal
Përbërësit
- 1 mollë e kuqe
- 1 kokërr grapefruit
- 1 kokërr pjeshkë
- 50 gr luleshtrydhe
- lëngu i një limoni
- 500 ml verë e bardhë ose e kuqe
- 80 ml vodka
- 50 gr sheqer
Përgatitja
- Për të përgatitur këtë pije franceze clericot, si fillim lajmë mirë të gjitha frutat. I presim në kubik të vegjël, përveç grapefruit që mundohemi ta presim në thela duke hequr lëkurën.
- Në një enë të bollshme shtojmë përbërësit e lëngshëm verën, vodka, lëngun e limonit së bashku më sheqerin që e trazojmë me avash. Shtojmë të gjitha frutat e prera në lëngun e përgatitur.
- Enën me pije franceze clericot, e vendosim në frigorifer për të paktën 3 orë, në mënyrë që të gjitha shijet të përzihen.
- Dhe pse ka shume versione për të përgatitur Clericot, por kjo recetë do ju freskojë patjetër. Hidheni në një gotë pijen dhe shoqëroheni me akull. Clericot është gati për t’u shijuar.
Ju rekomandojmë të lexoni recetën për pije me verë të kuqe ose pije kunder plakjes.
