Semolina është një produkt i cili prodhohet nga bluarja e drithërave, në përgjithësi grurit fortë dhe bollguri, por është më e ashpër se mielli dhe në ngjyrë të verdhë.
Ëmbëlsira Semolina është e butë dhe sherbeti aromatizues i jep akoma më shumë shije. Si të përgatisim këtë ëmbëlsirë aromatike?
Ëmbëlsira Semolina
Sasia: 4 persona
Kalori: 380kcal
Përbërësit
Ëmbëlsira Semolina
- 4 kokrra vezë
- 100 gr sheqer
- 300 gr miell semola
- 80 gr miell 00
- 100 ml vaj
- 60 ml qumësht
- 8 gr baking pudër
- esenzë vanilje
- pak kripë
- bajame
Sherbeti ëmbëlsirës
- 500 gr sheqer
- 300 ml ujë
- 1/2 limon
Përgatitja
Përgatitja e ëmbëlsirës
- Për të përgatitur ëmbëlsirën semolina një enë hedhim vezët, sheqerin dhe i rrahim me rrahësin elektrik sa të bëhen shkumë.
- Më pas përbërësit e thatë miellin semola, miellin lloji 00, maja për fryrje, pak esencë vanilje dhe kripë i bashkojmë bashkë dhe pastaj i hedhim te vezët duke i situr sipër. E trazojmë përsëri me rrahësin elektrik. Posa masa të bashkohet shtojmë qumështin dhe vajin përsëri duke i trazuar.
- Masën e hedhim në një tavë ku kemi shtruar një letër kuzhine ose të lyer pak me gjalpë. Ëmbëlsira piqet në furrë të nxehur në 180° për 30 minuta.
- Pasi të piqet ëmbëlsira e lemë në furrë të fikur edhe 10 minuta të tjera. Nëse dëshirojmë sipër mund të shtojmë disa bajame të qëruara.
Përgatitja e sherbetit
- Ndërkohë që piqet ëmbëlsira përgatitim sherbetin.
- Në një enë hedhim ujin së bashku me sheqerin. Sapo të fillojë të ziejë hedhim lëngun e gjysmë limoni. Për tu sherbetosur njëri nga përbërësit duhet të jetë i ftohtë .
- Pasi e kemi lënë të pushoj ëmbëlsirën semolina të paktën 2 orë nën sherbet. E presim në copa dhe e shërbejmë.
Receta të tjera për ëmbëlsira kek me molle, embelsire me kos dhe kek me karrota.
