Si thoni sikur të festojmë Shën Valentinin me këtë recetë për muffin me mbushje çokollate. Përgatiteni për njerëzit tuaj të dashur dhe falini sa më shumë dashuri.
Muffin me mbushje çokollate
Sasia: 12 forma
Kalori: 240kcal
Përbërësit
- 2 kokrra veze
- 110 gr sheqer
- 50 ml qumësht
- 50 ml vaj luledielli
- 200 gr miell 00
- 30 gr kakao
- 8 gr maja për ëmbëlsira
- 100 gr çokollatë në kubik
Përgatitja
- Për të përgatitur këta muffin me mbushje çokollate, marrim një ene ku rrahim vezët me sheqerin. I rrahim derisa sheqeri të shkrijë po thuajse i gjithë.
- Në hapin tjetër shtojmë qumështin, vajin, miellin kakaon majan për ëmbëlsira. Do formohet një masë e njëtrajtshme pa kokrriza. Duhet të kemi parasysh që miellin ta sitim së bashku me kakaon.
- Marrim format për muffin dhe hedhim për çdo formë 2/3 e masës. Më pas vëmë mbi çdo formë një kubik çokollatë. Shtojmë sërish 1/3 e masës së mbetur.
- Muffin me mbushje çokollate është gati për tu pjekur. Duhet të kemi parasysh që furra duhet të jetë e ngrohtë me parë.
- Pjekim muffin me çokollatë në temperaturën 180 gradë për 20 minuta.
Lexo recetën për Muffin me karrota ose muffin me kungull.
Ju beftë mirë!
Lexo gjithashtu menu për Shën Valentin apo biskota ne forme zemër
