Patatja – Vlerat ushqimore dhe receta gatimi me patate

Patatja është një ndër perimet më të konsumuara dhe me shumë shije. Konsumimi i patates, përveç se shijon së tepërmi, ka edhe mjaftë vlera ushqyese, çka ndihmon në luftën kundër sëmundjeve të ndryshme. Kemi disa lloje patate që ndryshojnë në ngjyrë dhe forma.

Vlerat ushqimore të patates

Ato janë të mbushura plotë me vitamina dhe minerale dhe kanë më pak kalori se orizi. Amidoni është lënda bazë përbërëse e patates. Sasia dhe cilësia e amidonit përcakton jo vetëm rëndësinë e patates si produkt ushqimor, por edhe veçoritë teknologjike si lëndë e parë për përpunimin industrial.
Si burim i proteinave të një cilësie të lartë, patatet zënë një vend të rëndësishëm midis produkteve të tjera ushqimore me origjinë bimore.

Patatja është një burim i mirë vitaminash si ajo C, B1, B2, B5 si edhe magnezit, kaliumit, zinkut dhe bakrit.

Gjatë përdorimit të patates duhet të kemi shumë kujdes nga SOLANINA. Kjo është një substancë me veti helmuese, e cila në mbi dozë mund të jetë fatale. Rritja e përmbajtjes së SOLANINëS vihet re tek patatet me ngjyre të gjelbër (të ndenjura në dritën e diellit), si dhe në patatet që rrinë shumë në ujë dhe ekspozohen në dritë. Gjatë vjeljes patatet nuk duhet të lihen në diell. Patatet gjejnë përdorim të gjerë në tryezat tona. Në vijim kemi renditur disa receta gatimi me patate.

Receta Gatimi me Patate

Patate në furrë

Patate në furrë është një pjatë që mbase nuk ka nevojë për recetë sesa disa këshilla për ti përgatitur në mënyrë të përsosur. Lexoni çfarë kemi përgatitur për këtë garniturë që nuk mungon asnjëherë në tavolinë.
Lexo recetën e plotë

Tavë me patate në furrë

Tavë me patate bëhet shumë e shijshme në qoftëse përgatitet në saç, megjithatë edhe në furrë bëhet shume e mirë. Për të përgatitur këtë recetë mund të përdoren edhe patate të reja.
Lexo recetën e plotë

Byrek me patate

Byrek me patate është një recetë tradicionale shqiptare dhe ka një shije të pasur edhe të veçantë. Mund të shërbehet si pjatë unike ne festa ose piknik, absolutisht për tu provuar.
Lexo recetën e plotë

Patate ne furrë me djathë – Patate fizarmonikë

Një mënyre e veçantë për të përgatitur patate në furre. Te prera në formë fizarmonike dhe të mbushura me djathë, kjo recetë ka një prezantim mahnitës.
Lexo recetën e plotë

Purè patate

Pureja e patates është një pjatë e shijshme si për fëmijët dhe për të rriturit. Kjo recetë që ne japim është shumë e thjeshtë dhe e shpejtë. Zakonisht për të bërë purenë, patatet zjehen më parë me gjithë lëkurë, më pas qërohen dhe kalohen në makinerinë e duhur për të bërë purenë, e pas kësaj zjehen me qumësht. Por jo të gjithë mund ta kenë këtë makineri, e për të shkurtuar edhe kohën e përgatitjes kemi menduar të propozojmë recetën e mëposhtëme.
Lexo recetën e plotë

Ju bëftë mirë!

0 Shares
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

You May Also Like