Mendojeni këtë Caramel Flan si një krem karamel gjigant. Kjo ëmbëlsirë flan kremoze është shumë e njohur në vendet latine dhe ka një mori recetash për ta përgatitur.
Mënyra që kemi zgjedhur për ta përgatitur Caramel Flan është shumë e thjeshtë.
Caramel Flan
Sasia: 6 persona
Kalori: 240kcal
Përbërësit
Përbërësit për karamelin
- 100 gr sheqer
- 20 ml ujë
Përbërësit për flan
- 1 litër qumësht
- 7 kokrra vezë
- 150 gr sheqer
- 15 ml esencë vanilje
Përgatitja
Përgatitja e karamelit
- Në fillim përgatisim karamelin që duhet të hedhim në fundin e tavës. Në një enë hedhim sheqerin dhe ujin. I vëmë në zjarr të avashëm dhe e trazojmë shpesh, që sheqeri të shkrijë uniformë.
- Pasi sheqeri merr një ngjyrë ari e heqim dhe vazhdojmë përzierjen pasi ene është e nxehtë dhe karameli merr ngjyrën e duhur. Duhet të bëjmë shumë kujdes më sheqerin e nxehtë pasi temperatura është shumë e lartë.
- Formën e lyejmë me pak gjalpë me anë të një furçe. Tashmë karamelin e hedhim në formë dhe e hapim në të gjithë sipërfaqen dhe bordin e saj.
Përgatitja e flan
- Në një enë të bollshme hedhim vezët sheqerin dhe i përziejmë me telin e kuzhinës. Më pas shtojmë vaniljen qumështin dhe i përziejmë përsëri.
- Masën e hedhim në formën e karamelizuar. Formën e mbulojmë me letër alumini. Formën e vendosim në një tavë me ujë të nxehtë.
- Tavën e vendosim në furrë të nxehur në 170°C për 45 minuta. Caramel Flan e lemë gati 2 orë të ftohen në temperaturë ambienti pastaj e kthejmë në pjatat e servirjes.
Embëlsira Caramel Flan është gati mjaftojmë ta presim në copa dhe ta shërbejmë.
Lexoni gjithashtu recetën me dardhë me karamel ose banane të karamelizuara.
Ju bëftë mirë!
