Tavë kosi (tavë Elbasani) është një nga gjellët më karakteristike shqiptare. Ajo përgatitet me mish qengji ose dashi, vezë e kos e pak oriz. Mund të gatuhet edhe pa oriz, por ne në këtë recetë e kemi përdorur pak oriz.
Tava e kosit do të ishte ideale nëse do të piqej në furrë druri.
Tavë kosi (tavë Elbasani)
Sasia: 6 persona
Kalori: 230kcal
Video
Përbërësit
- 700 gr mish qengji
- 50 gr gjalpë
- 3 kokrra vezë
- 1200 ml kos i bardhë
- 2-3 lugë gjelle miell
- 1-2 lugë gjelle oriz
- pak kripë
- pak piper
Përgatitja
- Zakonisht tavë kosi përgatitet me mish qengji por mund ta përgatisim edhe me mish dashi. Nëse e përgatisim me këtë të fundit, duhet ta vendosim më parë të ziejë në një tenxhere me ujë. E më pas vazhdojmë përgatitjen si më poshtë, si me mish qengji.
- Marrim mishin e qengjit dhe e sistemojmë në tavë. E lyejmë sipër me gjalpë dhe e vendosim në furrë që të piqet. E lemë të piqet derisa mishi të marrë një ngjyrë të bukur si në të kuqërremtë, ( shtojmë pak ujë nëse e shohim që mishi po thahet shumë dhe e lemë të skuqet). Në këtë moment e heqim nga furra.
- Ndërkohë në një tenxhere hedhim gjalpin e mbetur dhe pak miell. I kaurdisim mirë së bashku derisa mielli të zverdhet. Duhet të kemi kujdes që ta trazojmë gjithmonë në mënyrë që të mos djegim miellin.
- Kur mielli të jetë zverdhur shtojmë me kujdes lëngun e mishit të holluar me pak ujë( e kullojmë me kujdes që të mos digjemi lëngun e mishit nga tava që tia shtojmë miellit). E trazojmë mirë që të mos krijohen kokrriza me miell. E vendosim të ziejë duke e trazuar gjithmonë dhe kur salca të jetë trashur e heqim nga zjarri. E lemë të ftohet pak.
- Në një enë qelqi të madhe hedhim vezët, i rrahim pak, shtojmë pak kripë, pak piper dhe kosin. I trazojmë mirë bashkë. Më pas shtojmë edhe salcën e miellit. I përziejmë bashkë.
- Në tavën që kishim mishin shtojmë pak oriz, sistemojmë mirë mishin sipër orizit dhe shtojmë gjithë masën e përgatitur. (Mund ti shtojmë sipër disa copa gjalpi nëse dëshirojmë).
- Vendosim tavën kosit të piqet në furrë të nxehtë 220°C përreth 20-30 minuta ose derisa të shohim që tava sipër ka krijuar një ngjyrë të bukur të artë.
- Nxjerrim tavë kosi nga furra dhe e shërbejmë gjellën të ngrohtë të shoqëruar ne feta buke të thekur.
Receta tavë kosi me mish viçi
Ju bëftë mirë nga ArtiGatimit!
9 comments
Nje mbrekulli!
A mund te behet me mish lope kjo?
Po, por shija mund te ndryshoj!
Pershendetje Blerta, kjo lloj tave mund te behet dhe me lloj tjeter mishi. Por kur ta zini mishin, qe te behet me i shijshem mudeni ta kaverdisni mishin me perime s.p. Karota, presh, qep & gjethe dafine pak vere te kuqe ose te bardhe dhe pastaj ti hidhni uje te ftohet, mbase te valoj eshte mir te zihet me Temperatur te mesme.
E bera sot per darke! Dhe Tim shoqi , italian, i pelqeu shume. Faleminderit!
T’ju bëjë mire :) faleminderit per komentin! Heren tjeter presim edhe fotot dhe vazhdoni te na ndiqni Margarita.
Fantastike
Sa fare jeni kshu? Po kosin ku e late ??
Lexojeni me kujdes receten
Flm per ndihmat. Gatime te mrekullueshme
Flm per ndihmat. Gatime te mrekullueshme shqipetare