Torta me çokollatë e gjalpë kikiriku

Nerti
  • 22/10/2019
Kjo tortë është me të vërtetë një nga ëmbëlsirat më të mira e më të forta. Duket e vështirë, por është një recetë e thjeshtë që nuk ka nevojë as të piqet në furrë. është një lloj cheescake e në bazë të kësaj torte është gjalpi i kikirikut që përdoret shumë në Amerikë.

Torta me çokollatë e gjalpë kikiriku

Sasia: 0

Përbërësit

  • 250 gr biskota me çokollatë
  • 100 gr gjalpë
  • 1 +1/2 filxhan me gjalpë kikiriku
  • 300 gr krem djathi maskarpone
  • 1/2 filxhan me sheqer
  • 100 gr pana

  • Për pjesën sipër

  • 3 lugë çokollatë të shkrirë
  • 3 lugë gjalpë kikiriku

Përgatitja

  • Marrim biskotat me çokollatë dhe i shtypim ose i grijmë me grirësin elektrik. Më pas i shtojmë dhe gjalpin e shkrirë. I trazojmë mirë bashkë.
  • Në një tavë të rrumbullakët shtrojmë letër kuzhine dhe hedhim në të masën e përgatitur. E shtypim mirë me dorë ose me lugë. Vendosim tavën në frigorifer përreth gjysmë ore.
  • Ndërkohë, në një enë qelqi hedhim maskarponen, sheqerin dhe 1 filxhan gjalpë e kikirikut. Fillojmë ti rrahim derisa të arrijmë një masë të fryrë. Në një enë tjetër hedhim panën, e rrahim me rrahësin elektrik derisa të fryhet.
  • Bashkojmë panën e rrahur me përbërësit e enës tjetër. Duhet të kemi kujdes që ti trazojmë nga poshtë lart në mënyrë që masa të mos shfryhet.
  • Marrim tavën nga frigoriferi dhe hedhim sipër masën e përgatitur. E nivelojmë mirë e me kujdes me lugë. Sipër e lyejmë të gjithë tortën me një shtresë gjalpë kikiriku,(1/2 e filxhanit që na ka mbetur).
  • Vendosim tortën në frigorifer për disa orë.
  • Në momentin që do ta shërbejmë nxjerrim tortën nga frigoriferi dhe i hedhim sipër çokollatën e shkrirë dhe me ndihmën e një xhepi pastiçier bëjmë edhe disa vija me çokollatë të ndërthurura së bashku me disa vija me gjalpë kikiriku.
  • Torta është gati për tu servirur. Të gjithë të ftuarit tuaj do të mbeten të kënaqur nga kjo ëmbëlsirë.

Ju bëftë mirë nga Arti Gatimit!

Falenderojme Erica Rivera per receten dhe fotot nga yummyluv

In this article:
,,,,,,
1 Shares
WhatsApp 0
Facebook 0
Facebook Messenger 0
X (Twitter) 0
Pinterest 1
Mail 0
Post written by:
E pasionuar pas kuzhines shqiptare dhe asaj te huaj, sjell për ju përmbledhje me receta gatimi.
Follow
8 comments

  1. Shum e shijshme,por keta gjalp kikiriku dhe biskota me qokollat ku ti gjej un un jam nga [podujeva mduket se nuk ka ketu gjalp kikiriku dhe biskota me qokollat

    Përgjigjuni
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Embëlsirë me çokollatë dhe amareta

Kjo është një ëmbëlsirë që hahet me lugë. Përgatitet me amareta, kakao, vezë, qumësht dhe e mbuluar sipër me karamel. Mund ta zbukurojmë me amareta sipër. Është me të vërtetë një ëmbëlsirë e shijshme që ia vlen mundimi i përgatitjes.
0 Shares
0
0
0

Gliko Shalqiri

Shalqiri është fruti që na shoqëron përgjatë stinës së verës. Përmban shumë vitamina e minerale dhe mund të themi që nuk mund të kalojmë verën pa shijuar këtë frutë. Zakonisht lëkurat e shalqirit i hedhim, por me to fare mirë mund të gatuajmë një ëmbëlsirë të shijshme siç është glikoja.
1 Shares
0
0
1

Pekmez mëni

Përgatitja e pekmez mëni është një traditë e vjetër shqiptare. Pekmezi se bashku me një luge tahini, e benë mëngjesin plote shijë. Lexoni se çfarë ju nevojitet për një pekmez sa më cilësorë.
0 Shares
0
0
0

Tortë për ditëlindje për fëmijë (Hello Kitty)

Kjo është një tortë speciale për raste ditëlindjesh për fëmijët e jo vetëm. Në rastin tonë e kemi zbukuruar sipër tortën me figurën e Hello Kitty por çdo njeri është i lirë të bëjë zbukurimin që i pëlqen më shumë. Në këtë recetë kemi një bazë pandispanje ose më mirë një tortë 'sfungjer' ( sponge cake) që është e mbushur me një krem çokollate. është me të vërtetë një tortë që ia vlen mundimi i përgatitjes. Miqtë tuaj do të ngelen patjetër shumë të kënaqur nga kjo ëmbëlsirë.
0 Shares
0
0
0

10 receta ëmbëlsira me mollë

Një përmbledhje me receta ëmbëlsirash me mollë. Tortat me mollë janë shume te shijshme dhe mund ti përdorni si në mëngjes por edhe pasditeve të shoqëruar me çaj. Lexoni këto receta të thjeshta për ëmbëlsira me mollë.
0 Shares
0
0
0