Revani është një ëmbëlsirë e kuzhines shqiptare shumë e shijshme nëse gatuhet siç duhet. Ne sot kemi sjellë këtë recetë që përdoret shumë në zonën e Mallakastrës.
Revani
Sasia: 6 persona
Kalori: 339kcal
Video
Përbërësit
- 1 kg niseshte
- 3 L ujë
- 500 gr gjalpë
- 100 ml vaj ulliri
- 1,5 kg sheqer
- 500 gr bajame
- pak kos ose mjaltë për lyerje sipër
Përgatitja
- Për të përgatitur revani, si fillim pastrojmë bajamet nga cipa duke i lënë në ujë të nxehtë rreth 5 minuta. Në rast të kundërt duhet të kemi bajame të qëruara.
- Përziejmë gjysmën e masës së sheqerit dhe niseshtenë ashtu siç janë të thatë dhe pastaj i hedhim një litër ujë nga masa e ujit. Pjesën tjetër të ujit e vendosim në zjarr që të vlojë në një tenxhere të madhe me fund të trashë.
- Hedhim brenda në tenxhere gjalpin, sheqerin e mbetur dhe vajin. Pastaj pasi të ketë vluar uji, hedhim masën e niseshtesë ngadalë, pak nga pak me një dorë dhe me dorën tjetër e përziejmë me një lugë druri që të mos bëhet kokrriza.
- Hidhen edhe bajamet në të. Masa përzihet shumë herë dhe fort edhe pasi është mbaruar hedhja, deri sa të shkëputet niseshteja nga luga.
- Marrim një tepsi të madhe. Lyhet tepsia me gjalpë dhe derdhim në të shumë shpejtë masën e përgatitur e cila duhet të shkëputet vetë nga tenxherja duke e hapur me lugën e drurit. Sipër e lyejmë me pak kos ose me mjaltë.
- Futet në furrë të nxehtë dhe piqet në temperaturë maksimale për një orë. E nxjerrim nga furra dhe pasi ftohet e presim.
- Revani është gati, e servirim të ftohtë në copa.
Receta të tjera nga kuzhina shqiptare sheqerpare, kompekaj apo edhe bakllava shqiptare.
Ju bëftë mirë!
15 comments
a e fiton per nime ni telefon me dergu recet gatimi
Me pelqejne shume recetat tuaja
Faleminderit Jonida! :)
qka jan bajamet nuk kuptoj fare. Te drejten jam ka lexoj reseptet tuaja dhe shum me pelqejn si dhe du me q el nje biznes i vogel ne usa te persh je num 1
Almonds
torte me keksa
1 kg keksa
1 kg banane ]
4 shllaga
1 kako
2 litra qumesht
1 qokollad
pergatitja
ne nje ene te madhe i then keksatdhe bananet ne nje vend
dhe e qet qokolladen per tu shkrirre
duhet me qit te val mbi banane dhe mbi keksa.
dhe i leme te ftohen pasi te ftohen ja qesim permbi shllagun
ju befte mir
shum mire\
Cfar eshte kjo bajame
Bajame jane disa fruta qe perdoren te thatë pasi jane nxjerre nga levorja. Anglisht almonds!
shum e mire eshte se e kam provuar po kjo nuk eshte revani po hasude revania eshte krejt ndryshe
Çdo zone ka emërtime te ndryshme!
Kjo s’eshte revani, eshte hasude e pjekur ne furre
Përshëndetje Lela,
siç e kemi theksuar, në zona të ndryshme merr emra të ndryshëm kjo ëmbëlsirë.
Kjo eshte revani e zones se jugut.