Receta për Bigné (Pasta shu)

Nerti
  • 22/10/2019
Pasta shu është brumë i zier dhe i pjekur në furrë. Kjo lloj paste nuk ka nevojë për forma, pasi piqet thjesht në një tavë me letër furri sipër. Me të krijojmë forma të vogla ( bigné), të cilat pasi janë ftohur i mbushim me kremëra të ndryshëm si kremi pastiçier, kremi me çokollate apo reçel. Këto bignè mund të mbushen edhe me salca të kripura të bëra me djathëra të ndryshëm e erëza.

Receta për Bigné (Pasta shu)

Sasia: 0

Përbërësit

  • 100 gr gjalpë
  • 130 gr miell
  • 200 ml ujë
  • 3 vezë
  • pak kripë
  • 5 gr sheqer

Përgatitja

  • Në një tenxhere hedhim ujin, gjalpin, sheqerin dhe pak kripë. Vendosim tenxheren në zjar dhe e trazojmë ngadalë. Sapo ujë të fillojë të ziejë, heqim tenxheren nga zjarri dhe shtojmë me kujdes miellin e situr mirë duke e trazuar fort që të mos krijohen kokrriza. Vendosim tenxheren në zjarr të ulët dhe e trazojmë gjithmonë fort me një lugë druri. Do të shohim që masa do të jetë gati kur brumi të shkëputet nga tenxherja, dmth. që brumi është gati. Hedhim brumin në një enë qelqi dhe e lemë të ftohet.
  • Pasi brumi është ftohur fillojmë të shtojmë vezët një nga një duke i rrahur me lugë druri. Duhet të kemi kujdes që ti hedhim vezët një e nga një, në mënyrë që të përzihen mirë. Nëse keni një makinë planetare (apo mikser) mund ta bëni këtë proces fare mirë me të.
  • Pasi brumi është gati e marrim dhe e hedhim në xhepin e pastiçierit. Me të formojmë toptha të vegjël ku i vendosim direkt mbi një tavë me letër furri.
  • Vendosim tavën të piqet në furrë të nxehtë 220°C në fillim përreth 15 minuta duke pasur kujdes që të mos hapim kapakun e furrit në këtë kohë. Më pas ulim temperaturën në 180°C dhe i pjekim përreth 10 minuta.
  • Më pas fikim furrën dhe i lemë bigné në furrë për 15 minuta duke hapur pak kapakun e furrit në mënyrë që të thahen mirë brenda.

Notes

Përgatitja e pasta shu

Më pas i nxjerrim bignè dhe i lemë të ftohen. Tani ato janë gati për mbushjen që dëshirojmë.

Ju bëftë mirë!

In this article:
,,,,,
0 Shares
WhatsApp 0
Facebook 0
Facebook Messenger 0
X (Twitter) 0
Pinterest 0
Mail 0
Post written by:
E pasionuar pas kuzhines shqiptare dhe asaj te huaj, sjell për ju përmbledhje me receta gatimi.
Follow
4 comments
  1. Pingback: Tullumba | ArtiGatimit.com

  2. Pershendetje,
    do te doja te dija nqs kete brum Mund ta pjekim ne forma te vogla rrethore,besoj se forma do te dilte me e rregullt sesa thjesht ne nje tave. Apo mos ndoshta ne keto forma nuk thahet ashtu si duhet?
    Pres pergjigjen tuaj
    dk

    Përgjigjiuni
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Reçel portokalli

Reçeli i portokallit i përgatitur në shtëpi është me të vërtetë shumë i shijshëm. Ka një aromë të mrekullueshme. Me këtë reçel mund të shoqërojmë pjatanca të ndryshme djathrash, mund të përgatisim torta të shijshme ose mund ta shijojmë me një copë buke të thekur.
0 Shares
0
0
0

Receta për Qumështor

Një recetë për një ëmbëlsirë që është shumë e thjeshtë për tu bërë dhe shumë e mirë për tu ngrënë. Kjo është një recete që e kam marrë nga mami im.
19 Shares
0
0
19

Receta për Bakllava Shqiptare

Bakllavaja është një ëmbëlsirë shumë e njohur në vendet ballaknike dhe jo vetëm. Kjo ëmbëlsirë është e bërë me petë të mbushura me arra, (bajame, lajthi,pistak në disa vende), dhe e regjur me sherbet ose mjaltë në disa vende të tjera. Thuhet që origjina e bakllavasë vjen nga Turqia. Në ditët e sotme kjo ëmbëlsirë është e njohur nga të gjithë.
60 Shares
0
0
60

Reçel Fiku

Sot po japim recetën e reçelit të fikut të cilin mund ta shijojmë edhe më vonë, kur në treg të mos e gjejmë më këtë frutë kaq të shijshëm.
0 Shares
0
0
0

Receta per Tiramisu

Tiramisuja është ëmbëlsira italiane më e njohur në gjithë botën. Thuhet se kjo ëmbëlsirë e ka origjinën në Siena (Toskanë). Rreth shekullit të XVII disa pastiçierë vendosën të përgatisnin një ëmbëlsirë në nderim të Dukës së Toskanës Cosimo de Medici. Ata menduan të bënin një ëmbëlsirë me përbërës të thjeshtë, por jashtëzakonisht e shijshme. Ka shumë legjenda për origjinën e tiramisusë, por ajo që ka rëndësi është fakti që kjo lloj ëmbëlsire është dhe do të mbetet një nga ëmbëlsirat më të mira italiane.
10 Shares
0
0
10