Kjo salcë karamel është shumë e mirë dhe mund ta përdorim mbi akullore, mbi torta e ëmbëlsira të ndryshme. Ka disa receta për përgatitjen e salcës së karamelit, por receta e mëposhtme na kënaqi më shumë me rezultatin e arritur.
Salcë Karamel
Sasia: 4 persona
Kalori: 341kcal
Përbërësit
- 400 gr sheqer i bardhe
- 150 ml pana e fresket
- 50 gr gjalpë
- 5 gr kripë e trashë
- pak ekstrakt vanilje
Përgatitja
- Për këtë recetë duhet të bëjmë shumë kujdes të mos digjemi, pasi sheqeri arrin një temperaturë të lartë në shkrirje. Për këtë arsye duhet të mbajmë një enë me ujë dhe akull pranë. Gjithashtu sigurohemi që të gjithë përbërësit janë mbi tavolinën e punës së bashku me një lugë druri.
- Marrin një enë me fund të trashë (jo alumin) dhe e vendosim në zjarr mesatar ku dhe hedhim sheqerin. Pasi sheqeri fillon të shkrijë fillojmë e trazojmë me avash me lugën e drurit. Sheqeri duhet të shkrijë plotësisht dhe të marrë atë ngjyrën karakteristike të karamelit.
- Pas kësaj e largojmë nga zjarri dhe me kujdes hedhim pak nga pak pana duke e trazuar. Duhet të bëjmë kujdes në këtë fazë pasi avulli që krijohet është shumë nxehtë.
- E vendosim përsëri karamelin në zjarr dhe shtojmë gjalpin. Vazhdojmë duke e trazuar dhe shtojmë gjithashtu kripën dhe vaniljen. E leme dhe rreth 1 minutë në zjarr. Më pas e vendosim diku për tu ftohur.
- Pasi karameli është ftohur komplet, marrim një vazo qelqi dhe e hedhim në të. Me karamelin e përgatitur në këtë mënyrë mund ta përdorim për Trilece, Krepa më Karamel, French Macarons me Karamel etj.
10 comments
A behet e lengshme kjo, sepse kam pershtypjen se do te jete e ngrire……
Sheqeri ngrin .masa është gabim do 200 ml Pana jo 50. Ngrin gjithçka.
Faleminderit Jona, po i rishikojmë masat!
une e kam bere me sheqer dhe uje por me ka ngrire dhe tenxherja nuk lahej aq keq sa ishte ngjitur
Po nuk rrezikon qe te ngurtesohet nese e ruajme? Apo duhet ta perdorim direkt, ne rastin e trileces flas. flm
Sheqeri ngrin .masa është gabim do 200 ml Pana jo 50. Ngrin gjithçka.
Masa esht fiks vetem se te pana treta gjys luge kafeje nisheste(e kam nga pervoja) dhe pasi te hudhet gjalpi duhet te trazohet mir me se paku 4-5min se esht problem per tu perzier gjalpi me sheqerin
E kam be sa her ndahej yndyra siper por ne fund e trazova reth 5 min ne tigan dhe arita sukses ?
Përshëndetje Lila,
Do ta provojmë dhe versionin që na keni sugjeruar.
Mua mu ngurtesua menjehere kur i hodha pana siper. E hoqa nga zjarri dhe I hodha 150 ml gradualisht duke e trazuar. U be e gjitha gur.
Pershendetje Nida, duket se keni lene me shume se duhet ne zjarr sheqerin.