Kokoshkat janë shumë të shëndetshme dhe të pëlqyeshme si për fëmijët dhe për të rriturit. Ato mund të konsumohen çdo pasdite apo dhe gjatë leximit të ndonjë libri.
Si të përgatisim Kokoshka
Sasia: 6 persona
Kalori: 230kcal
Përbërësit
- 200 gr misër për kokoshka
- gjysmë luge gjelle vaj
- 5 gr kripë sipas dëshirës
Përgatitja
- Marrim një tigan me kapak dhe e lemë të nxehet. Hedhim vajin duke e hapur në gjithë fundin e tiganit.
- Pasi tigani është nxehur, hedhim misrin, jo më shumë sesa të mbulohet fundi i tiganit.
- Në momentin që hedhim kokrrat e misrit, vendosim menjëherë kapakun.
- Tiganin e lëvizim herë pas here para prapa mbi zjarr.
- Porsa fillojnë të dalin kokoshkat e para ulim pak zjarrin dhe vazhdojmë lëvizjen e tiganit.
- Kjo gjë vazhdon për rreth 5 minuta. Kur mos të dëgjojmë kërcitjen karakteristike të kokoshkave heqim tiganin nga zjarri dhe i hedhim në një enë.
- Vazhdojmë në këtë mënyrë për të gjithë masën e misrit për kokoshka.
- Serviren me kripë ose jo, sipas dëshirës.
Lexo gjithashtu sallatë e ftohtë me karkaleca, antipastë me lulelakër ose antipastë në formë lule me sfogliat.
