Ja receta për lëng frutash, pa konservant dhe ngjyrues kimik. Vetëm me fruta të freskëta. Fruti i kajsisë në këtë periudhë ka arritur pjekjen maksimale dhe është i përkryer për lëng të freskët.
Lëng frutash – Kajsi
Sasia: 4 persona
Kalori: 120kcal
Përbërësit
- 1 kg kajsi
- 1 l ujë
- 180 gram sheqer
- 1 kokërr limon
Përgatitja
- Lajmë e qërojmë frutat për të përgatitur lëng frutash të shëndetshëm. I heqim farën dhe i presim në forma kubike. Frutat e prera i hedhim në një enë ku shtojmë sheqerin dhe ujin. Enën e vëmë në zjarr për 15-20 minuta.
- Gjatë kohës që zien masa do ta trazojmë shpesh herë, duke i hequr shkumën e krijuar. Limonin e shtrydhim dhe 5 minutat e fundit shtojmë edhe lëngun e limonit.
- Masën e grijmë me një mikser zhytës derisa masa të bëhet një lëng i trashë. Lëngun e kullojmë dhe e hedhim të nxehtë nëpër shishe qelqi të sterilizuara.
- Shishet i kthejmë me kapak poshtë derisa të ftohen. Lëng frutash me kajsi është gati për tu servirur. Shoqëroheni me një pjesë ëmbëlsirë ose të freskët pasditeve.
Lëng frutash – Ju bëftë mirë nga artigatimit.com
Lexoni gjithashtu recetat për lëng Dardhe ose lëng pjepri
