Reçel dhe Komposto
Shkruaj një koment

Gliko Kumkuat – Mandarina Kineze

Përgatitja: 40 min - Pjekja: 1 h - Sasia: 4 Vazo

Do të shikojmë recetën për gliko kumkuat apo siç njihen ndryshe me emrin mandarina kineze. Kumkuat janë fruta të vogla të pasura me vajra esenciale dhe veti kundër tumorit. Këto fruta kanë një përdorim të gjerë në kuzhinë, ideale për të përgatitur marmelata apo komposto.

Përbërësit për Gliko Kumkuat – Mandarina Kineze


    1kg fruta kumkuat


    800 gr sheqer


    300 ml ujë


    lëngu i gjysmë limoni



Përgatitja glikosë

Mandarinat kineze i lajmë mirë në ujë të rrjedhshëm. Më pas frutat i shpojmë në 4/5 vende. Ndërkohë në zjarr vendosim një enë me ujë të bollshëm. Në kohën që merr valë uji hedhim frutat kumkuat. I lemë në zjarr për 10 minuta nga koha që marrin valë.
Më pas i heqim nga zjarri dhe i kullojmë. Ky proces përsëritet tre here. Dmth përsëri i hedhim në një enë tjetër me ujë të nxehtë duke vluar dhe i ziejmë 10 minuta. Në këtë mënyrë frutave i ikën hidhërimi. Pasi i kullojmë herën e tretë i vendosim në një enë dhe merremi me sherbetin.

gliko kumkuat

Ndërkohë përgatisim sherbetin. Vendosim 300 ml ujë në zjarr së bashku me sheqerin. Sapo të fillojë të marri valë i hedhim lëngun e gjysmë limoni.

Hedhim në sherbet mandarinat kineze. Gliko kumkuat e ziejmë për 1 orë në zjarr shumë të ngadalshëm. Në këtë mënyrë sherbeti do të trashet.

Gliko kumkuat është gati, mjafton ta hedhim nëpër vazo të sterilizuara dhe mund ta konservojmë për një kohë të gjatë.
E njëjta procedure kryhet edhe për te përgatitur gliko me mandarina. Në faqen tonë gjeni edhe recetën për gliko portokalle.

Mos harroni ti shpërndani recetat tona me miqtë tuaj!

Gliko arre
Receta për Gliko qershie
Gliko Shalqiri

Ju bëftë mirë!

Lini një Përgjigje

Your email address will not be published. Required fields are marked *


Komento nga Facebook!

Shkruani komentin tuaj - Komente