Lakra turshi dhe karota të përgatitura në mënyrë natyrale dhe që mund të ruajnë vlerat ushqimore për një kohë të gjatë. Këshilla jonë si gjithmonë është të përdorni perime biologjike dhe të freskëta.
Lakra turshi
Sasia: 4 vazo
Kalori: 130kcal
Përbërësit
- 2 kg lakër e bardhë
- 500 gr karota
- 200 gr lulelakër
- 200 gr speca të ngjyrave të ndryshme
- 3-4 speca djegës
- gjethe dafine
Për shëllirën
- 2 L ujë
- 500 ml uthull molle
- 240 gr kripë
- 50 gr sheqer
Përgatitja
- Pastrojmë e lajmë mirë të gjitha perimet në ujë të rrjedhshëm. Presim perimet në pjesë sa dëshirojmë dhe i lemë 10 minuta në ujë të ftohtë për tu pastruar akoma më shumë.
- Më pas i kullojmë të gjitha dhe i futim me radhë në vazo të sterilizuara. Një shtresë karota, një shtresë lakra, më pas lulelakër speca e kështu me radhë duke shtuar dafinë e speca djegës sipas dëshirës.
- Gjatë kohës që i vendosim në vazo përbërësit i ngjeshim me dorë pas çdo shtrese që hedhim.
Përgatisim shëllirën
- Në një enë hedhim masën e ujit dhe e vendosim në zjarr. Pasi uji merr valë hedhim kripën dhe sheqerin dhe e trazojmë që të treten përbërësit. Gjatë kësaj kohe shtojmë edhe uthullën.
- Shëllirën e hedhim të nxehtë në vazot e mbushura me lakra turshi dhe karrota. Vazove u vendosim kapakun dhe i lemë në vend të freskët pa lagështi. Për 2 javë vazot me lakra turshi janë gati. I hedhim nëpër pjata dhe i shikojmë.
Receta për Kastravecë turshi ose patëllxhan turshi
