Fruta deti shërbyer në shporta djathi kaçkavall. Pasi ta provoni do të ndryshoni mendimin që djathi nuk konsumohet me produktet e detit.
Fruta deti në shporta djathi
Sasia: 2 persona
Kalori: 230kcal
Përbërësit
- 200 gr parmixhano reggiano
- 140 gr karkaleca deti
- 80 gr sepie kallamarë
- 1/2 gotë verë të bardhë
- 1 kokërr domate
- 2 thelpinj hudhër
- vaj ulliri
- kripë
- piper
- majdanoz
Përgatitja
- Në fillim përgatitim shportat e djathit.
- 100 gr djathë e presim në feta dhe e vendosim në një tavë në formë rrethi me diametër 30 cm. Tavën e futim në furrë të nxehur në 220 ° për 3 minuta.
- Më pas e nxjerrim tavën, e marrim djathin, direkt të nxehtë, me anë të një shpatulle dhe e çojmë mbi fundin e një gote. Me të dyja duart djathit i japim formën e enës.
- Pasi të ftohet, shporta e djathit është gati. Kështu vazhdojmë edhe me shportën tjetër.
- Në një tigan me vaj hedhim hudhrën e prerë hollë. E lemë sa të zverdhet hudhra dhe hedhim frutat e detit. Pas 2-3minutash i shuajmë me verë të bardhë, shtojmë domatet e prera kubik e rregullojmë me kripë dhe piper. Shtojmë në fund majdanoz të prerë hollë.
- Pasi e heqim nga zjarri me anë të një piruni shpërndajmë nëpër shporta fruta deti.
- Pjatën me fruta deti në shporta djathi e zbukurojmë sipas fantazisë.
Lexoni gjithashtu recetat për:
Ju bëftë mirë!
