Pancakes mund ti përgatisim në disa mënyra të ndryshme. Si në versionin origjinal të petullave amerikane, këto pancakes me banane kanë të njëjtën përbërje por më shumë të shijshme.
Petulla Pancakes me Banane
Sasia: 4 persona
Kalori: 170kcal
Përbërësit
- 250 gr miell
- 2 banane
- 250 ml qumësht
- 2 kokrra vezë
- 50 gr sheqer
- 8 gr maja pluhur për ëmbëlsira
- 50 gr gjalpë
- pak kripë
- shurup panje
Përgatitja
- Si gjithmonë për të përgatitur pancakes, fillojmë duke përzier përbërësit e thatë së bashku. Në një enë hedhim miellin, majanë pluhur për ëmbëlsira sheqerin dhe pak kripë. I trazojmë dhe i lëmë mënjanë.
- Në një enë tjetër rrahim vezët për pak çaste. Bananet që duhet të jenë shumë të pjekura i presim në copa dhe i bashkojmë me vezet duke i shtypur.
- Më pas shtojmë qumështin dhe gjalpin e shkrirë. I përziejmë dhe tek përbërësit e thatë hedhim masën e përgatitur. E trazojmë derisa të formohet një masë homogjene.
- Brumi për pancakes është gati për pjekje. Në një tigan për krepa hedhim nga masa e brumit dhe i pjekim në zjarr të ulët. Vazhdojmë kështu për të gjithë masën ë brumit për pancakes me banane.
- Pancakes e pjekur i vendosim në një pjatë dhe sipas dëshirës mund të hedhim sipër shurup panje.
Në faqen tonë gjeni gjithashtu recetën bazë për pancakes si edhe pancakes me boronica ose petulla me banane.
