Një mënyrë e shijshme për të përgatitur fileto viçi në tavë me domate. Për të përgatitur këtë recetë nevojitet pjesa e shpinës se kafshës e cila është tul dhe shumë e butë.
Fileto viçi në tavë me domate
Sasia: 3 persona
Kalori: 340kcal
Përbërësit
- 300 gr fileto viçi
- 2 kokrra qepë
- 2 kokrra domate
- 1 filxhan pure domate
- 2 thelpinj hudhër
- gjethe dafine
- vaj ulliri
- kripë
- piper
Përgatitja
- Nëse filetot e viçit nuk i kemi të prera, mund të vendosim pjesën e tulit pak në frigorifer të mpikset dhe me pas e presim mishin.
- Pasi presim filetot i hapim në tavolinën e punës dhe i rrahim lehtë me çekiç druri. I u hedhim pak kripë pak piper sipër.
- Fileton e skuqim në një tigan me vaj të ngrohur jo të nxehur. Në zjarr të ngadalshëm, filetos do ti japim skuqje sa të zverdhet. Më pas i heqim nga tigani dhe i vendosim në një tavë të lyer me pak vaj ulliri.
- Sipër çdo filetoje do të hedhim nga 1 lugë pure domate, domate të grirë, qepë të prerë, hudhër, gjethe dafine nëse dëshirojmë dhe 1 filxhan ujë.
- Tavën e futim në furrë të para ngrohur në 220 °C për 15-20 minuta.
- Fileto viçi në tavë me domate është gati. E shërbejmë nëpër pjata të shoqëruar më salcën e krijuar.
- Fileto viçi, shoqërohet me perime të pjekura ose të ziera.
Receta për rosto me mish viçi, mish viçi me kos ose gjelle me mish viçi.
Ju bëftë mirë nga Artigatimit.com
