Avokado me vezë dhe pjekur në furrë mund të shërbejë si meze apo si një mëngjës plot shije. Avocado përmban shumë kalium, acide yndyrore mono-të pangopura që janë shumë të shëndetshme,e mbushur plot me fibra,e mbushur me antioksidant të fuqishëm, mund të ulë nivelet e triglicerideve dhe kolesterolit
Avokado e përgatitur në këtë mënyre është jashtëzakonisht ushqyese.
Avokado me vezë në furrë
Sasia: 2 persona
Kalori: 230kcal
Përbërësit
- 1 avokado
- 2 kokrra vezë
- pak kripë
- pak piper
- gjethe qepe
Përgatitja
- Lajmë avokadon, e fshijmë mirë pa e qëruar, e presim në mes dhe i heqim bërthamën. Të dyja pjesët e avokados i vendosim në një tavë të vogël.
- Në vendin e bërthamës thyejmë nga një kokërr vezë. I hedhim sipër pak kripë e piper dhe i vendosim në furrë të para ngrohur në 200°C për 10 minuta.
- Avokado me vezë në furrë është gati, sipër i shtojmë gjethe qepe të holla të grira.
Lexoni gjithashtu recetat për brusketa me avokado ose avokado me karkaleca.
Ju bëftë mirë!
