Angjinarja e stufuar në tigan është një pjatë shumë e shijshme dhe shumë e thjeshtë në përgatitje. Kjo pjatë mund të jetë një garniturë e mirë për pjata me mish ose peshk. Por mund të jetë edhe një pjatë e dytë për vegjetarianët sepse angjinarja ka shumë veti ushqimore.

Përbërësit për Angjinare në tigan

• 4-5 angjinare


• pak vaj ulliri


• 2 thelpinj hudhre


• pak kripë


• pak piper


• pak majdanoz

Përgatitja

Marrim angjinaret dhe fillojmë ti pastrojmë ( kliko këtu për të parë se si pastrohen). Pasi i kemi pastruar të gjitha, marrim një tigan, hedhim në të vaj ulliri dhe hudhrën e shtypur. Shtojmë edhe anjinaret e pastruara dhe të prera në copa. I hedhim sipër kripë, piper e majdanoz. I mbulojmë me kapak dhe i lemë të piqen me zjarr shumë të ulët. Nqse e shohim që thahen, mund ti shtojmë pak ujë ose brodo vegjetale (kliko këtu për të parë si bëhet). Pasi janë bërë i shërbejmë angjinaret të nxehta.

Ju bëftë mirë